މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ކާގޯ ކްލިއަރެންސް ޑިޕާޓްމަންޓްގެ ސެކްޝަން ހެޑް، އިސްމާއިލް ސައީދު ވިދާޅުވެފައިވާ ގޮތުގައި ރަމަޟާން މަހުގެ ފުރަތަމަ 10 ދުވަހުގެ ތެރޭގައި 40،000 ޓަނުގެ މުދާ ކްލިއަރ ކުރެވިފައިވެއެވެ.

އިސްމާއިލް ސައީދު ފާހަގަކުރެއްވި ގޮތުގައި ރަމަޟާން މަހަކީ އެހެން މަސްތަކާ އަޅާބަލާއިރު އެމްޕީއެލްއަށް މުދާ އެތެރެކުރާ މިންވަރު އިތުރުވާ މަހެކެވެ. ޚާއްސަކޮށް އަވަހަށް ހަލާކުވާ ޒާތުގެ މުދާ ނުވަތަ ހައިލީ ޕެރިޝަބަލް މުދާ ގެންނަ މިންވަރު މި މަހު ވަރަށް ބޮޑަށް އިތުރުވާކަން ފާހަގަކުރެއްވިއެވެ.

މި ރަމަޟާން މަހރަމަޟާން މަހުގެ ފުރަތަމަ 10 ދުވަހުގެ ތެރޭގައި އެންމެ ގިނައިން ކްލިއަރ ކޮށްފައިވަނީ ފިޔާ އަދި ބިސްކަން އިސްމާއިލް ސައީދު ފާހަގަކުރެއްވިއެވެ.

“މި ރަމަޟާން މަހަށް ޚާއްސަކޮށްގެން، ރޯދަމަހުގެ ކުރިން ވަކި ޚާއްސަ ޓާސްކްފޯހެއް އެކުލަވާލައި، މަސައްކަތަށް އެއްވެސް ބުރުލެއް ނާރާނެ ގޮތަކަށް އަޅުގަނޑުމެންނާ ގުޅުންހުރި އެހެން މުއައްސަސާތަކާ ވެސް ގުޅިގެން، މިސާލަކަށް މޯލްޑިވްސް ކަސްޓަމްސް ސަރވިސަސް އާއި މޯލްޑިވްސް ފުޑް އެންޑް ޑްރަގް އޮތޯރިޓީއާ ގުޅިގެން މި އޮޕަރޭޝަން ކުރިއަށްދާނެ ގޮތުގެ މަޢުލޫމާތު އަޅުގަނޑުމެން ހިއްސާކުރިން،” އިސްމާއިލް ސައީދު ވިދާޅުވިއެވެ.

މި އަހަރުގެ ރޯދަ މަހުގައި ވެސް އެންމެ ބޮޑު އިސްކަމެއް ދޭނީ ރާއްޖެ އެތެރެކުރާ ޕެރިޝަބަލް ސާމާނު ނުވަތަ ޖެނެރަލް ކާގޯ ވީހާވެސް ފަސޭހައިން ކްލިއަރ ކުރެވޭނެ ގޮތްތަކެއް ހަމަޖެއްސުމަށް ކަމަށާއި، ޚިދުމަތް ރަނގަޅަށް ދިނުމަށްޓަކައި ގިނަ ތައްޔާރީތަކެއް ވެފައިވާކަމަށް ރަމަޟާން މަހުގެ ކުރިން ބޭއްވި ނޫސްވެރިންގެ ބައްދަލުވުމެއްގައި އެމްޕީއެލްއިން ފާހަގަކޮށްފައިވެއެވެ.

އެމްޕީއެލްގެ ހެޑް އޮފް އޮޕަރޭޝަންސް އިލްޔާސް މުޙައްމަދު ވިދާޅުވެފައިވާ ގޮތުގައި މި އަހަރުގެ ރޯދަ މަހު ފުލް އޮޕަރޭޝަނުގައި މަސައްކަތްކުރާއިރު ދުވާލަކު 150 ކޮންޓެއިނަރު ކްލިއަރ ކުރާނެއެވެ. އަދި “ހާފް ޑޭ” ތަކުގައި 100 ކޮންޓެއިނަރު ކްލިއަރ ކުރުމުގެ އަމާޒެއް އޮތްކަމަށް އިލްޔާސް ވިދާޅުވިއެވެ.

މި އަމާޒަށް ވާސިލުވުމަށްޓަކައި އެމްމި އަމާޒަށް ވާސިލުވުމަށްޓަކައި އެމްޕީއެލްއިން ވަނީ މާލޭގައި މުދާ ބެހެއްޓުމަށް އިތުރު ޝެޑްތައް ޤާއިމުކޮށްފައެވެ. މިގޮތުން މިހާރު ހުރި ގުދަންތަކުގައި އަވަހަށް ހަލާކުވާ ޒާތުގެ ހުރިހާ މުދަލެއް ބެހެއްޓުމަށް ދަތިވާތީ، ހުޅުމާލޭގައި ވަގުތީ ޓެންޓެއް ޤާއިމުކޮށް ޑްރައި ބަލްކް ބެހެއްޓޭނެ އިންތިޒާމު ވެސް ހަމަޖައްސާފައިވެއެވެ.

އެމްޕީއެލްއިން މަޢުލޫމާތު ދެއްވާފައިވާ ގޮތުގައި ރޯދަ މަހު، ހުކުރު ދުވަސް ފިޔަވައި އެހެން ހުރިހާ ދުވަހެއްގައި ޚިދުމަތް ފޯރުކޮށްދޭނެއެވެ. މިގޮތުން ހުކުރު ދުވަސް ނޫން ދުވަސްތަކުގައި ހެނދުނު 9:15 އިން 16:00 އަށް އަދި ރޭގަނޑު 21:15 އިން މެންދަމު 1:30 އަށް ޚިދުމަތް ދޭގޮތަށް ވަނީ ހަމަޖެހިފައެވެ. މީގެ އިތުރުން، ހުޅުމާލެ ޓާމިނަލުން ވެސް މި ގަޑިތަކުގައި ޚިދުމަތް ދޭގޮތަށް ހަމަޖެހިފައިވާކަން ފާހަގަކޮށްލެވެއެވެ.

މި އިންތިޒާމުތަކަކީ ރަމަޟާން މަހުގައި އިތުރުވާ މުދަލުގެ އަދަދާއި ޚާއްސަކޮށް އަވަހަށް ހަލާކުވާ ޒާތުގެ މުދާ އަވަހަށް ކްލިއަރ ކުރުމަށް އެޅޭ މުހިންމު ފިޔަވަޅުތަކެކެވެ. އެމްޕީއެލްއިން މި ކުރާ މަސައްކަތްތަކަކީ ރާއްޖޭގެ ވިޔަފާރިވެރިންނާއި އާންމު ރައްޔިތުންނަށް ފަސޭހަވާނެ ގޮތަށް ކުރެވޭ މަސައްކަތްތަކެއް ކަމުގައި ފާހަގަކުރެވެއެވެ.

ޚުލާޞާކޮށް ބަލާއިރު، ރަމަޟާން މަހުގެ ފުރަތަމަ 10 ދުވަހުގެ ތެރޭގައި 40،000 ޓަނުގެ މުދާ ކްލިއަރ ކުރެވިފައިވުމަކީ އެމްޕީއެލްގެ ހަރުދަނާ މަސައްކަތުގެ ނަތީޖާއެއް ކަމުގައި ދެކެވެއެވެ. އަދި ކުރިއަށް އޮތް ދުވަސްތަކުގައި ވެސް މި ފެންވަރުގައި މަސައްކަތް ކުރިއަށް ގެންދިއުމަށް އެމްޕީއެލްއިން ވަނީ ތައްޔާރުވެފައެވެ.