މާލެއަށް ވާރޭ ވެހުމާއެކު ފެންބޮޑުވާ މައްސަލަ ހައްލުކުރުމަށް ކުރާ މަސައްކަތުގެ ތެރެއިން، މާލޭގެ މަގުތަކުގެ ކާނުތައް ސާފުކުރުމުގެ މަސައްކަތް ލޯކަލް ގަވާމެންޓް މިނިސްޓްރީން މިއަދު ފަށައިފިއެވެ.
އެ މިނިސްޓްރީން ބުނީ އެ ހަރަކާތް ފެށީ މިއަދު ހެނދުނު 9:30ގައި މަޖީދީމަގުގެ ލަގްޒަރީ ފިހާރަ ކުރިމަތިން ކަމަށެވެ.
މިނިސްޓަރު އާދަމް ޝަރީފް އުމަރުވަނީ އެ ސަރަހައްދަށް ވަޑައިގެން، މަސައްކަތް ކުރިއަށްދާ ގޮތް ބައްލަވާލައްވައިފައެވެ.
އެއީ މާލޭގެ ހުރިހާ މަގެއްގެ ކާނުތައް ސާފުކުރުމަށް ހިންގާ ހަރަކާތެކެވެ. އެ ހަރަކާތުގެ މަގްސަދަކީ ވާރޭވެހުމުގެ ސަބަބުން މާލޭގެ ރައްޔިތުންނަށް ދިމާވާ އުނދަގޫތައް މިހާރަށް ވުރެ ކުޑަކޮށް ދިނުން ކަމަށް އެ މިނިސްޓްރީން ބުންޏެވެ.
އެ ހަރަކާތް ކުރިއަށްގެންދަނީ ރައީސް ޑރ. މުޙައްމަދު މުޢިއްޒުގެ އިރުޝާދާއި ލަފާފުޅުގެ މަތިން ކަމަށް ވެސް އެ މިނިސްޓްރީން ބުންޏެވެ.
ކިޔުންތެރިންގެ ހިޔާލު