މާލޭގައި ބޯކޮށް ވެހުނު ވާރޭއާ ގުޅިގެން ފެން ހިއްކުމުގެ މަސައްކަތުގައި އެމް.ޕީ.އެލް ޙަރަކާތްތެރިވެއްޖެއެވެ.
މިއަދު މާލޭގައި ބޯކޮށް ވެހުނު ވާރޭގެ ސަބަބުން ވެސްޓް ޕާކް އަދި ޕޯޓް ކޮމްޕްލެކްސް ސަރަހައްދުގައި ފެންބޮޑުވުމާ ގުޅިގެން، މި ދެ ސަރަހައްދުން ފެން ހިއްކުމުގެ މަސައްކަތުގައި މޯލްޑިވްސް ޕޯޓްސް ލިމިޓެޑް (އެމް.ޕީ.އެލް) ވަނީ އިސްނަގައިގެން ބައިވެރިވެފައެވެ.
ހޮނިހިރު ދުވަހު މާލޭ ސިޓީއަށް ބޯކޮށް ވާރޭ ވެހި މާލޭ ސިޓީގެ ވެސްޓް ޕާކް ސަރަހައްދާއި ޕޯޓް ކޮމްޕްލެކްސް ސަރަހައްދުގައި ފެންބޮޑުވުމާ ގުޅިގެން، މި ކުންފުނީގެ ސޭފްޓީ ޑިޕާޓްމަންޓްއިން ވަނީ އެ ދެ ސަރަހައްދުން ފެން ހިންދުމަށް މަސައްކަތްކޮށްފަ. pic.twitter.com/AfNZpctzTA
— Maldives Ports Limited (@Portmv) March 2, 2025
އެމް.ޕީ.އެލްގެ ފަރާތުން މަޢުލޫމާތު ދެއްވަމުން ވިދާޅުވީ، ކުންފުނީގެ ސޭފްޓީ ޑިޕާޓްމަންޓުގެ މުވައްޒަފުން ވަނީ ވެސްޓް ޕާކް އަދި ޕޯޓް ކޮމްޕްލެކްސް ސަރަހައްދުން ފެން ހިއްކުމުގެ މަސައްކަތުގައި ޙަރަކާތްތެރިވެފައި ކަމަށެވެ. މި މަސައްކަތް ކުރިއަށް ގެންދިޔައީ އެމް.ޕީ.އެލްގެ އެކިއެކި ވަސީލަތްތައް ބޭނުންކޮށްގެންނެވެ.މޫސުމާބެހޭ އިދާރާއިން މަޢުލޫމާތު ދެއްވާފައިވާ ގޮތުގައި، މިއަދު މާލެއަށް ވެހުނު ވާރޭއަކީ މޫސުމީ ބަދަލުތަކާ ގުޅިގެން ކުރިމަތިވި ޙާދިސާއެކެވެ. އަދި ކުރިއަށް އޮތް ދުވަސްތަކުގައިވެސް ވާރޭވެހުމުގެ ފުރުސަތު އޮތްކަމަށް އެ އިދާރާއިން ވަނީ އަންގަވާފައެވެ. މި ކަމާ ގުޅިގެން ރައްޔިތުންނަށް ވަނީ ސަމާލުވުމަށް އިރުޝާދު ދެއްވާފައެވެ.
ކިޔުންތެރިންގެ ހިޔާލު