ގްރޭޓަރ މާލޭ ސަރަޙައްދުގައި، މާލެއިން ހުޅުމާލެ ފިޔަވަހި 1 އަދި 2 އަށް ބަސް ދަތުރުތައް ފެށުމަށް ހަމަޖެހިފައިވަނީ ހެނދުނު 7:00 ގައެވެ. ރޯދަ ވީއްލުމަށް ދަތުރުތައް މެދުކަނޑާލުމަށްފަހު، ރޭގަނޑު 7:20 ގައި އަލުން ފަށައި، މެންދަމު 12:00 އާ ހަމައަށް ކުރިއަށް ގެންދެވޭނެއެވެ.
މާލޭތެރޭގެ އޯކިޑް، އަމީނީ އަދި ސޯސަން ރޫޓުތަކުގެ ދަތުރުތައް ފެށޭނީ ހެނދުނު 7:00 ގައެވެ. އިރުއޮއްސި 6:00 އަށް ދަތުރުތައް މެދުކަނޑާލުމަށްފަހު، ރޭގަނޑު 9:00 ގައި އަލުން ފަށައި، މެންދަމު 12:00 އާ ހަމައަށް ކުރިއަށް ގެންދެވޭނެއެވެ.
ފެރީގެ ޚިދުމަތްތަކަށްވެސް ބަދަލުތަކެއް ގެނެވިފައިވެއެވެ. ވިހި އަތޮޅު ހަ ޒޯނަކަށް ބަހާލައިގެން 68 ރޫޓުން އެމްޓީސީސީގެ ފެރީ ދަތުރުތައް ކުރިއަށްދާއިރު، ރައްޔިތުންގެ ޒަރޫރީ ބޭނުންތަކަށާއި މުދާ އުފުލުމަށް އެންމެ އެކަށީގެންވާ ގޮތަށް ދަތުރުތައް ރޭވިފައިވާކަމަށް އެމްޓީސީސީން ފާހަގަކުރެއެވެ.
އެމްޓީސީސީގެ އަމާޒަކީ ރައްޔިތުންނަށް އިތުބާރުހިފޭ، ފަސޭހަކަމާއެކު ބޭނުންކުރެވޭ އާންމު ދަތުރުފަތުރުގެ ޚިދުމަތެއް ދެމެހެއްޓެނިވި ގޮތެއްގައި ފޯރުކޮށްދިނުމެވެ.
ކިޔުންތެރިންގެ ހިޔާލު