ރާއްޖޭގެ މަޝަހޫރު ލަވަކިޔުންތެރިޔާ މުހައްމަދު މާޖިދު (މެޒޯ މުހައްމަދު) ނިޔާވެއްޖެއެވެ.

އެނގިފައިވާ ގޮތުގައި އުމުރުން 59 އަހަރުގައި މެޒޯ މުހައްމަދު ނިޔާވީ ހާޓްއެޓޭކެއް ޖެހިގެންނެވެ. އައިޖީއެމްއެޗަށް ގެންދިޔައިރު ވެސް އޭނާ އޮތީ ނިޔާވެފައެވެ.

މެޒޯ މުހައްމަދުގެ ދަރިފުޅު މީރާ މުހައްމަދު މާޖިދަކީ ވެސް ރާއްޖޭގެ މަޝްހޫރު ލަވަކިޔުންތެރިޔެކެވެ.

“މެޒޯ” ބޭންޑަކީ ނުވަދިހައިގެ އަހަރުތަކުގައި ދިވެހީންގެ މެދުގައި މަގުބޫލުކަން ހޯދި ބޭންޑެކެވެ. ލަވަކިޔުންތެރިއެއްގެ އިތުރުން އޭނާ އަކީ ކުޅަދާނަ ހުނަރުވެރި މިޔުޒީޝަނެއް ވެސްމެއެވެ.

އިންޑިއާގެ މަޝްހޫރު ޓީވީ ޗެނަލް، އެމްޓީވީގައި އެންމެ ފުރަތަމަ ދިވެހި ލަވައަކަށް ދެއްކީ ވެސް މެޒޯ ބޭންޑުގެ “ވިސްނާ ވިސްނާ” ލަވަކަން ފާހަގަކޮށްލެވެއެވެ.

މެޒޯ މުހައްމަދު މިއުޒިކުގެ ދާއިރާގައި ކުރި ހިދުމަތުގެ އަގު ވަޒަންކޮށް 2010، ގައި މިއުޒިކުގެ ދާއިރާއިން އޭނާއަށް ހިތްވަރު ދިނުމުގެ ގައުމީ އިނާމު ވެސް ސަރުކާރުން ދިނެވެ.