ދިވެހި ފުލުހުންގެ ޚިދުމަތުން އިޢުލާނުކުރައްވާފައިވާ ގޮތުގައި، ހެލްމެޓް އެޅުން ލާޒިމުނުވާ ސަރަހައްދުތަކުގައި ހެލްމެޓް އަޅައިގެން އުޅޭ ފަރާތްތަކަށް ޚާއްޞަ ސަމާލުކަމެއް ދެވޭނެއެވެ. މިފަދަ ފަރާތްތައް ހުއްޓުވައި، ބަލައި ފާސްކުރުމުގެ އިޚްތިޔާރު ފުލުހުންނަށް ލިބިގެންވެއެވެ.
ޤާނޫނީގޮތުން ހެލްމެޓް އެޅުން ލާޒިމުކުރަނީ ގަޑިއަކު 30 ކިލޯމީޓަރަށްވުރެ ބާރަށް ދުއްވުމަށް ހުއްދަކޮށްފައިވާ ސަރަހައްދުތަކުގައި އެކަނި ކަމަށް ފުލުހުން ފާހަގަކުރައްވައެވެ. މި ސަރަހައްދުތަކުގައި އުޅަނދު ދުއްވޭ ބާރުމިން އަންގައިދޭ ބޯޑުތައް ބެހެއްޓިފައި ހުންނާނެއެވެ.
ފުލުހުންގެ މި ފިޔަވަޅަކީ، ހެލްމެޓް އަޅައިގެން އުޅުމުގެ އާދަ ބޭނުންކޮށްގެން ކުށްކުރުމަށް މަސައްކަތްކުރާ ފަރާތްތަކާ ދެކޮޅަށް އަޅާ ފިޔަވަޅެކެވެ. މިކަމުގެ ސަބަބުން މާލެ ސަރަހައްދުގައި ހިނގާ މާރާމާރީއާއި އެހެނިހެން ޢާންމު ކުށްތައް މަދުކުރެވޭނެ ކަމަށް ފުލުހުން އުންމީދުކުރައްވައެވެ.
ފުލުހުންގެ މި މަސައްކަތަކީ މާލޭގެ މަގުތަކުގެ ސަލާމަތާއި ރައްކާތެރިކަން އިތުރުކުރުމަށް ކުރެވޭ ދެމެހެއްޓެނިވި މަސައްކަތުގެ ބައެކެވެ. މިގޮތުން، ޢާންމު ރައްޔިތުންގެ ރައްކާތެރިކަމަށްޓަކައި ސިލްސިލާކޮށް އޮޕަރޭޝަންތަކެއް ކުރިއަށް ގެންދެވޭނެގެންދެވޭނެ ކަމަށް ފުލުހުން މަޢުލޫމާތު ދެއްވާފައިވެއެވެ.
ކިޔުންތެރިންގެ ހިޔާލު