ކެންސަސްއިން އައި އެމެރިކަން އެއަރލައިންސްގެ މަތިންދާބޯޓެއް ސިފައިންގެ ހެލިކޮޕްޓަރަކާ ޖެހި ހިނގި ނުރައްކާތެރި ހާދިސާއެއްގައި ހަވާޑް ޔުނިވަރސިޓީގެ ރައީސް ޕްރޮފެސަރ ކިއާ ޑަގިންސް އާއި އެހެން ގިނަ އަދަދެއްގެ މީހުން މަރުވެއްޖެއެވެ. މި ހާދިސާ ހިނގީ ބުދަ ދުވަހުގެ ރޭ ވޮޝިންގްޓަން ޑީސީ ގައެވެ.
64 މީހުން އުފުލައިގެންދިޔަ އެމެރިކަން އެއަރލައިންސްގެ މަތިންދާބޯޓާއި 3 މީހުން ތިބި ސިފައިންގެ ހެލިކޮޕްޓަރެއް ޖެހުމުން ހިނގި މި ހާދިސާގައި މަރުވި މީހުންގެ ތެރޭގައި އެމެރިކާ އަދި ރަޝިޔާގެ މަޝްހޫރު ފިގަރ ސްކޭޓަރުންނާއި، ޒުވާން ޕައިލެޓެއް، ފްލައިޓް އެޓެންޑެންޓުން، އަދި އުފަންދުވަހު ގެއަށް ދަތުރުކުރަމުންދިޔަ ވަކީލެއް ހިމެނެއެވެ.
ހަވާޑް ޔުނިވަރސިޓީން ދޫކުރި ބަޔާނެއްގައި ވަނީ ޕްރޮފެސަރ ކިއާ ޑަގިންސް މި ހާދިސާގައި މަރުވެފައިވާކަން ކަށަވަރުކޮށްދީފައެވެ. ޔުނިވަރސިޓީން ބުނެފައިވާ ގޮތުގައި ޕްރޮފެސަރ ޑަގިންސްއަކީ މަދަނީ ހައްގުތަކުގެ ވަކީލެކެވެ. އަދި އޭނާ ވަނީ ޔުނިވަރސިޓީގެ ލޯ ސްކޫލުގައި ކުރިއަށް އޮތް ޓާމުގައި ކިޔަވައިދޭން ހަމަޖެހިފައެވެ.
“އޭނާ އޭނާގެ ކެރިއަރ ހޭދަކޮށްފައިވަނީ ޓެނެސީ، ޓެކްސަސް އަދި ވޮޝިންގްޓަން ޑީސީގައި ޤާނޫނާ ޚިލާފު ފުލުހުންގެ ޢަމަލުތަކާއި އަދުލުވެރިކަމެއް ނެތް ފައިސާގެ ބެއިލް އުސޫލުތަކާ ދެކޮޅަށް މަސައްކަތްކުރުމުގައެވެ.” ޔުނިވަރސިޓީގެ ބަޔާނުގައި ބުނެފައިވެއެވެ.
