ކުއްލި ޚަބަރު

އައްޑޫގައި ޑެންގީ ހުމުގެ ފެތުރުން އިތުރުވަމުންދާތީ ސަމާލުވާން އަންގައިފި

އުލިގަމުގައި ވެސް ބޭންކް އޮފް މޯލްޑިވްސް އޭޓީއެމްއެއްގެ މަސައްކަތް ފަށައިފި

Dsc 5417 (1)

އުލިގަމުގައި ބޭންކް އޮފް މޯލްޑިވްސް، ބީއެމްއެލްގެ އޭޓީއެމްއެއް ބެހެއްޓުމަށް އެރަށު ކައުންސިލާއެކު އެއްބަސްވުމެއްގައި ސޮއިކޮށްފިއެވެ.

މި އެއްބަސްވުމުގައި ސޮއިކޮށްފައިވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ހއ. އަތޮޅުގެ ބައެއް ރަށްތަކަށް ކުރައްވާ ދަތުރުފުޅުގެ ތެރެއިން އުލިގަމަށް ވަޑައިގެން އެރަށުގެ ރައްޔިތުންނާއިއެކު ބޭއްވި ބައްދަލުވުމުގެ ތެރެއިންނެވެ.

މި އެއްބަސްވުމުގައި ބެންކް އޮފް މޯލްޑިވްސް، ބީއެމްއެލްގެ ފަރާތުން ސޮއިކުރެއްވީ އެ ބޭންކުގެ ސީއީއޯ އަދި މެނޭޖިންގ ޑިރެކްޓަރ މުޙައްމަދު ޝަރީފެވެ. އުލިގަމު ކައުންސިލުގެ ފަރާތުން ސޮއިކުރެއްވީ ކައުންސިލްގެ ރައީސް އަހުމަދު މުޢާޒް މުޙައްމަދު އެވެ.

މުޅި ރާއްޖެއަށް ބޭންކު އޮފް މޯލްޑިވްސްގެ އޭޓީއެމް ޚިދުމަތް ފޯރުކޮށްދިނުމުގެ މަސައްކަތް އިފްތިތާހުކޮށްފައިވަނީ މިދިޔަ އަހަރުގެ ނޮވެމްބަރުމަހުގެ ތެރޭގައެވެ. މި މަޝްރޫޢާއެކު ރައްޔިތުންގެ މާލީ ބައިވެރިކަން އިތުރުކުރުމަށް ގިނަ މަސައްކަތްތަކެއް ކުރުމަށް ސަރުކާރުން ވަނީ ރާވާފައެވެ.

ބޭންކް އޮފް މޯލްޑިވްސްއިން މިހާރު ރާއްޖޭގެ 90 ރަށެއްގައި 150 އޭޓީއެމް ބަހައްޓައިގެން ދަނީ ޚިދުމަތް ފޯރުކޮށްދެމުންނެވެ. އަދި މިއަހަރުގެ މާރިޗު މަހުގެ ނިޔަލަށް 17 ރަށެއްގައި އޭޓީއެމް ބެހެއްޓުމަށް ދަނީ މަސައްކަތްކުރަމުންނެވެ.

ރައީސުލްޖުމްހޫރިއްޔާގެ މި ދަތުރުފުޅުގެ ތެރެއިން ވަޑައިގެންނެވި ހއ. އަތޮޅުގެ ބައެއް ރަށްރަށުގައި ވަނީ ބީއެމްއެލްއާ އެމްއައިބީގެ އޭޓީއެމްތައް ބެހެއްޓުމަށް ކައުންސިލްތަކާއެކު ސޮއިކުރައްވަފައެވެ.

ގުޅުންހުރި

Equatoroal 678x381

އައްޑޫގައި ޑެންގީ ހުމުގެ ފެތުރުން އިތުރުވަމުންދާތީ ސަމާލުވާން އަންގައިފި

2 39

ކުޑަހުވަދޫގައި ކޮމާޝަލް ބަނދަރެއް ގާއިމުކުރުމުގެ މަސައްކަތް މޯލްޑިވްސް ޕޯޓްސް ލިމިޓެޑް އާ ހަވާލުކޮށްފި

479299316 1860143418082255 7696274244892460414 N

ރަމަޟާން މަހަށް ސަމާލުކަން ދީ، އެމްޕީއެލްއިން ޚާއްޞަ އިންތިޒާމުތަކެއް ހަމަޖައްސައިފި

B Veszy3uwlgzg5dxj02zfq7zq2

އެމްޑަބްލިޔުއެސްސީ އިން ލޭ ހަދިޔާ ކުރުމުގެ ޚާއްސަ ހަރަކާތެއް ހިންގައިފި

Mulhi Raajje