ރާއްޖެއަށް މިވަގުތު ކުރަމުންދާ ވިއްސާރައިގެ ސަބަބުން ލ. ގަމުގައި ފެންބޮޑުވުމުގެ ހާދިސާއެއް ދިމާވެއްޖެއެވެ. މި ހާލަތާ ގުޅިގެން، އެމްއެންޑީއެފްގެ ސެންޓްރަލް އޭރިއާ ކޮމާންޑްގެ ސިފައިން ވަނީ އެ ސަރަހައްދުގައި އެހީތެރިކަން ފޯރުކޮށްދިނުމުގެ މަސައްކަތުގައި ހަރަކާތްތެރިވަމުންނެވެ.
މޫސުމާބެހޭ ޤައުމީ މަރުކަޒުން ވަނީ ފ. އަތޮޅުން ފެށިގެން ގދ. އަތޮޅާ ހަމައަށް ހުދު ސަމާލުކަމުގެ ނިޝާނެއް ނެރެފައެވެ. މި ސަމާލުކަމުގެ ނިޝާނުގައި ބަޔާންކޮށްފައިވަނީ ބޯކޮށް ވާރޭވެހި، ގުގުރުމާއެކު ވިއްސާރަވުމުގެ ފުރުޞަތު އޮތް ކަމަށެވެ. އަދި ވިލާގަނޑުގައި ގަޑިއަކު 40 މޭލުގެ ބާރުމިނުގައި ވައި ޖެހުމުގެ ފުރުޞަތު އޮތްކަމަށްވެސް ލަފާކުރެވެއެވެ.
މި ސަމާލުކަމުގެ ނިޝާން ދެމިއޮންނާނީ މިއަދު މެންދުރު 12:00 އިން ފެށިގެން ހަވީރު 17:00 އާ ހަމައަށެވެ.
މޫސުމާބެހޭ ޤައުމީ މަރުކަޒުން އަރުކަޒުން އިތުރަށް މަޢުލޫމާތު ދެއްވާފައިވާ ގޮތުގައި، ރާއްޖޭގެ ގިނަ ސަރަހައްދުތަކަށް ވިއްސާރަވެ، ބައެއް ރަށްރަށަށް ގުގުރުމާއެކު ބޯކޮށް ވާރޭވެހުމުގެ ފުރުޞަތު އެބައޮތެވެ. މޫސުން ރަނގަޅުވާނެ ކަމަށް ލަފާކުރެވެނީ ބުދަ ދުވަހުން ފެށިގެންނެވެ.
