ފުލުހުންގެ ފަރާތުން މާލޭ ސަރަހައްދުގެ މަގުތަކުން ޓޯ ކުރެވުނު އުޅަނދުތަކުގެ ތެރެއިން، ވެރިފަރާތުން ހަވާލުނުވާ 446 އުޅަނދު ގަވާއިދާ އެއްގޮތްވާ ގޮތުގެ މަތިން ނައްތާލައިފިއެވެ.

ފުލުހުންގެ ބަޔާނެއްގައި ވިދާޅުވެފައިވާ ގޮތުގައި، މިއަދު ނައްތާލެވުނު އުޅަނދުތަކުގެ ތެރޭގައި ހިމެނެނީ 378 ދެ ފުރޮޅުލީ އުޅަނދާއި، 40 ހަތަރު ފުރޮޅުލީ އުޅަނދު، އަދި 28 ބައިސްކަލެވެ.

މާލޭގެ އެކި ސަރަހައްދުތަކުގައި މަގު ބޭނުންކުރާ ފަރާތްތަކަށް ދަތިވާ ގޮތަށް އަދި ގަވާއިދާ ޚިލާފަށް ޕާކުކޮށްފައިވާ އުޅަނދުތައް ނެގުމުގެ މަސައްކަތަކީ ފުލުހުން އަބަދުވެސް ކުރިއަށް ގެންދާ މަސައްކަތެކެވެ.

ފުލުހުންގެ ފަރާތުން އިތުރަށް ވިދާޅުވެފައިވަނީ، މި މަސައްކަތަކީ އާންމު ރައްޔިތުންނަށް ފަސޭހަކަމާއެކު މަގު ބޭނުންކުރެވޭނެ އެކަށީގެންވާ މާޙައުލެއް ޤާއިމުކުރުމަށް ޓަކައި ކުރެވޭ މަސައްކަތެއް ކަމުގައެވެ.