އަލެހާންދްރޯ ގަރްނާޗޯ ކުލަބަށް ގެނައުމަށް ޗެލްސީ މަސައްކަތް ކުރަމުންދާ ކަމުގެ ޚަބަރުތައް ފެތުރެމުންދާއިރުވެސް، އެންޒޯ މާރެސްކާ އޭނާގެ އަތުގައިވާ ސްކޮޑާމެދުހުރީ ހިތްހަމަޖެހިފައިވާ ކަމަށްބުނެފިއެވެ.
މި ޓްރާންސްފަރ ވިންޑޯގައި ފުރުޞަތެއް ލިބިއްޖެނަމަ ކްލަބުން ‘ސަމާލުކަން ދޭނެ’ ކަމަށް އޭނާ ޤަބޫލުކުރެއެވެ. އެހެންނަމަވެސް، ކުރިއަށް އޮތް ދުވަސްތަކުގައި މިޑްފީލްޑްގެ މައްސަލަ ހައްލުކުރަން ބްލޫސް މަސައްކަތް ކުރާނެ ކަމުގެ ޚިޔާލު އޭނާވަނީ ދެކޮޅުހަދާފައެވެ.
މިހެންވެއްޖެނަމަ ރޮމިއޯ ލަވިޔާ އަނެއްކާވެސް ކުޅުމުން ދުރުގައި ހުންނަން ޖެހޭނެއެވެ. އެހެންނަމަވެސް އެންޒޯ ފަރްނާންޑެޒް މެންޗެސްޓަރ ސިޓީއާ ދެކޮޅަށް ކުޅޭނެ ކަމަށް ބެލެވޭތީ، ކްލަބުން މާކެޓަށް ނުކުތުމުގެ ނުވަތަ އެހެން “ލޯނީއެއް” އަނބުރާ ގެނައުމުގެ ބޭނުމެއް ނެތް ކަމަށް ހެޑް ކޯޗަށް ގަބޫލް ކުރެވެއެވެ.
ނޫސްވެރިންގެ ބައްދަލުވުމުގައި އަދި ސޮކަރ ސެޓަރޑޭގެ މެޗުގެ ކުރިން ދައްކާނެ މާރެސްކާގެ ވަކި އިންޓަވިއުއެއްގައި، ޖޯއާއޯ ފެލިކްސް އަދި ކްރިސްޓޮފަރ ންކުންކޫ އޭނާގެ ފެށޭ އެގާރައިގައި ޖާގައެއް ހޯދަން އުނދަގޫވަމުންދާ ސަބަބު އޭނާ އަނެއްކާވެސް ބަޔާންކުރިއެވެ.
މައިގަނޑު ސަބަބަކީ، އެއްވެސް ޝައްކެއްނެތް ގޮތުގައި، ކޯލް ޕާމަރގެ ހުރުމެވެ. މި ދެ ކުޅުންތެރިންނަށްވެސް ޗެލްސީގައި ކުރިއެރުން ލިބި، ކުޅެވޭނެ ދައުރެއް އޮތް ކަމަށް ޤަބޫލުކުރެވެއެވެ. އެހެންނަމަވެސް މި ވިންޑޯގެ ފަހު ދުވަސްތަކުގައި މި ދެ ކުޅުންތެރިންކުރެ ކުޅުންތެރިއަކު ބަދަލުވުމުގެ ފުރުޞަތު އޮތްކަން ޔަޤީނުންވެސް ދޫކޮށްނުލެވޭނެއެވެ.
ކިޔުންތެރިންގެ ހިޔާލު