“އޮޕަރޭޝަން ކުރަނގި”ގެ ތެރެއިން ބިދޭސީންގެ ފިންގަރ ޕްރިންޓް ނެގުމަށްފަހު  ގަވާއިދާ ޚިލާފަށް އުޅޭ ބިދޭސީންގެ ފޮނުވާލުމުގެ މަސައްކަތްކަމަށް ކުރިޔަށް ގެންދާނެކަމަށް ސްޓޭޓް މިނިސްޓަރ އަލްއުސްތާޛު އަޙްމަދު ޞިއްދީޤު ވިދާޅުވިއެވެ. ސިއްދީގު އިތުރަށް ވިދާޅުވީ:-

ފޯނުން ފޮޓޯ ނަގާލުމުން އެނގިސާފުވާނެ އޭނާއަކީ އަޅުގަނޑުމެންގެ ޓޭޓާ ބޭސްއަށް ވަދެފައޮތް މީހެއްތޯ. ނުވަތަ ކޮންމެ ފިންގަރ ޕްރިންޓެއްވެސް ޖަހާލީމަ އެއީ ކާކުކަން ސިސްޓަމްއިން ބުނެދޭނެ. އޭނާ އެންމެ ފުރަތަމަ ގެނައީ ކާކުކަން އެނގޭނެ. އޭނާއަށް ވިސާ ދައްކާފައި ހުރިކަން ނުވަތަ ނޫންކަން އެނގޭނެ.

ޞިއްދީޤު ވިދާޅުވީ ދެން ކުރިޔަށްދާނީ ބިދޭސީންގެ ފިންގަރ ޕްރިންޓާއި އެމީހުންގެ ބަޔޯޑާޓާ ނެގުމަށްފަހު ދެވަނަ ފިޔަވަހީގައި ކުރިއަށްދާނީ ޤަވާއިދާ ޚިލާފަށް އުޅޭ ބިދޭސީން ފޮނުވާލުމުގެ މަސައްކަތްކަމަށެވެ. އެއީ އިމިގްރޭޝަނުން މިހާރު ކުރިއަށްގެންދާ އޮޕަރޭޝަނާ ތަފާތު ޕްރޮގްރާމެއްކަން ފާހަގަކުރައްވާ ސިއްދީގު ވިދާޅުވީ ޤަވައިދާ ޚިލާފަށް އުޅޭ ބިދޭސިން ފޮނުވާލުމުގެ މަސައްކަތުގައި އިމިގްރޭޝަނައި އަދި ފުލުހުންވެސް ބައިވެރިވާނެކަމަށެވެ.

ޤަވާއިދާ ޚިލާފަށް ރާއްޖޭގައި އުޅޭ ބިދޭސީންގެ މައްސަލައަށް ދާއިމީ ހައްލެއް ހޯދުމަށް ރައީސް މުއިޒްގެ ވައުދުޕުޅާއި އެއްގޮތަށް ކުރާ މަސައްކަތުގެ ފުރަތަމަ މަރުހަލާގެ ދަށުން “އޮޕަރޭޝަން ކުރަނގި” ފަށާފައިވަނީ މިދިޔަ އަހަރުގެ މެއި މަހުގެ 2 ވަނަ ދުވަހުއެވެ. މިމަސައްކަތަށް އާއްމުރައްޔިތުންނާއި، ކުންފުނިތަކާއި އަދި ކައުންސިލްތަކުން ދަނީ ވަރަށް ފުރިހަމަ އެއްބަރުލުމެއް ދެއްވަމުންނެއެވެ.