ވިޒިޓް މޯލްޑިވްސްގެ ހަރަކާތްތައް ބައްޓަންކޮށް ކުރިޔަށް ގެންދިއުމަށް އިންޑަސްޓްރީގައި ހަރަކާތްތެރިވާ ހުރިހާ ފަރާތްތަކުގެ ޚިޔާލު ހޯދަން ބާއްވާ ބައްދަވުންތަކުގައި ބައިވެރިވުމުގެ ފުރުޞަތު މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން ހުޅުވާލައްވައިފިއެވެ.
އެމްއެމްޕީއާރުސީ އިން ނެރުނު ނޫސް ބަޔާނެއްގައި ބުނީ ފޯކަސް ގްރޫޕްތަކަށް ވަކިވަކިން ބާއްވަން ނިންމާފައިވާ މި ބައްދަލުވުންތަކުގެ ބޭނުމަކީ ތަފާތު ސެގްމަންޓުތައް ހިމެނޭހެން، އެންމެ ސަމާލުކަން ދޭންވީ ދާއިރާތަކަށް ޚާއްސަކޮށް އެންމެ ފައިދާހުރި ގޮތަކަށް ރާއްޖެ އިޝްތިހާރުކުރުމުގެ ހަރަކާތްތައް ރޭވުންކަމަށެއެވެ. އެ ބަޔާނުގައި ބުނެފައިވާ ގޮތުގައި އާ މާކެޓުތަކުގައި އިސްތިހާރު ކުރުމާއި އިސްތިހާރު ކުރުމުގައި އީޖާދީ އަދި ބިނާކުރެވެނިވި ގޮަތްތައް ހޯދުމަށް ވެސް މި ބައްދަލުވުންތަކުގައި ޚިޔާލު ބަދަލުކުރެވޭނެއެވެ.
މި ބައްދަލުވުންތަކުގައި ބައިވެރިވާން ބޭނުންވާ ޓޫރިޒަމް އިންޑަސްރީގައި ހަރަކާތްތެރިވާ ފަރާތްތަކުން ރަޖިސްޓްރީވާން ޖެހެނީ އީމެއިލް ފޮނުވައިގެންނެވެ. މި ބައްދަލުވުންތައް ބާއްވާ ތާރީޚެއް އަދި ކަނޑައެއް ނާޅައެވެ.
ފަތުރުވެރިކަމުން މިއަހަރު ފަސް ބިލިއަން ޑޮލަރުގެ އާމްދަނީއެއް ހޯދުމަކީ އެމްއެމްޕީއާރުސީގެ އަމާޒެވެ.
