މާލެއާއި މާލެ ސަރަހައްދަށް ރެއިން ފެށިގެން ހުއްޓުމެއްނެތި ވެހެމުންދާ ވާރެއާ ގުޅިގެން މާލޭގެ މަގުތަކުގައި ވަރަށް ބޮޑަށް ފެން ބޮޑުވެފައިވާއިރު، މިއަދުގެ ހެނދުނު ހަޔަކާ ހަމައަށް 7500 ޓަނުގެ ފެން ބޭރުކޮށްފައިވާ ކަމަށާއި ގިނަ ގެތަކަކަށް އެހީތެރިކަން ވެސް ފޯރުކޮށްދޭން ޖެހިފައިވާ ކަމަށް އެމްއެންޑީއެފުން ބުންޏެވެ،
ސިފައިން ބުނީ، މާލެ އިން ފެން ހިންދުމަށްޓަކައި 8 ސަރަހައްދެއްގައި 19 ޕަންޕު ޖަހައިގެން އަންނަނީ ހުއްޓުމެއްނެތި ހަރަކާތްތެރިވަމުންނެވެ.
އެއީ ވެސްޓްޕާކް ސަރަހައްދުގައި ހަތަރު ޕަމްޕާއި އައިޖީއެމްއެޗު ސަރަހައްދުގައި ތިން ޕަމްޕާއި މާފަންނު ފެރީ ޓާމިނަލް ކައިރީގައި ތިން ޕަމްޕާއި ސަލްމާން މިސްކިތް ހިމެނޭ ސަރަހައްދުގައި އެއް ޕަމްޕާއި ބޮޑުވަޅު ހިމެނޭ ސަރަހައްދުގައި އެއް ޕަމްޕާއި ކުޑަކުދިންގެ ބަގީޗާ ކައިރީގައި އެއް ޕަމްޕާއި ބިހުގެ ހިމެނޭ ސަރަހައްދުގައި އެއް ޕަމްޕް އަދި އެމްޕީއެލް ސަރަހައްދުގައި އެއް ޕަމްޕެވެ. މިސަރަހައްދުދަކުގައި ޕާކުކޮށްފައިހުރި ގިނަ ވެހިކަލްތަކެއްވަނީ ފެނުގެ އަޑީގައެވެ.
ކިޔުންތެރިންގެ ހިޔާލު