ޓްރީޓޮޕް ހޮސްޕިޓަލުން ހަކުރު ބައްޔާއި ހޯމޯންސްގެ ބަލިތަކަށް ހާއްސަ އެންޑޮކްރިނޮލޮޖީގެ ހިދުމަތް މާލޭގައި ހުންނަ އެ ހޮސްޕިޓަލްގެ ކްލިނިކުން ލިބޭ ގޮތަށް ހަމަޖައްސައިފިއެވެ.
ޓްރީޓޮޕުން ބުނީ އެ ހޮސްޕިޓަލްގެ އެންޑޮކްރިނޮލޮޖީގެ ސުޕަ ސްޕެޝަލިސްޓްގެ ޑރ. ޕަންޖަކް ޓިވާޓްރީ ރޯދަ މަހުގެ ދެވަނަ ދުވަހުން ފެށިގެން ކޮންމެ ހޯމަ އަދި ބުރާސްފަތި ދުވަހު މާލޭގައި ހުންނަ ޓްރީޓޮޕްގެ ކްލިނިކުން ބަލި މީހުން ބަލާނެ ކަމަށެވެ.
ޓްރީޓޮޕް ހޮސްޕިޓަލުން ބުނިގޮތުގައި އެ ދާއިރާއިގެ ގިނަ ކަންކަމަށް އެތަނުން ފަރުވާ ލިބޭނެއެވެ. އޭގެ ތެރޭގައި ހަކުރުބައްޔާއި މެޓަބޮލިޒަމް : ޓައިޕް 1، ޓައިޕް 2، ގޭސްޓޭޝަނަލް އާއި ތައިރޮއިޑް ބަލިތައް ކަމަށްވާ ހައިޕާތައިރޮއިޑިޒަމް، ހިޕަޕޮތައިރޮއިޑިޒަމް އާއި ހޯމޯން އިމްބެލެންސްއާ ގުޅިފައިވާ ޕީސީއޯއެސް، ޓެސްޓޮސްޓިރޯން ދަށްވުން، އެޑްރިނަލް ގްލޭންޑްގެ މައްސަލަތައް ވެސް ހިމެނޭ ކަމަށް އެ ހޮސްޕިޓަލުން ބުންޏެވެ.
މީގެ އިތުރުން ކަށީގެ ބަލިތައް ކަމަށްވާ އޮސްޓިއޯޕޮރޮސިސް އަދި ކެލްސިއަމް މެޓަބޮލިޒަމްގެ ބަލިތަކާއި ގްރޯތް ހޯމޯން ނުވަތަ ޕިޓޫއިޓަރީ ފަންކްޝަން އާއި ގުޅުންހުރި މައްސަލަތަކަށް ވެސް ފަރުވާ ދެވޭނެ ކަމަށް އެ ހޮސްޕިޓަލުން ބުންޏެވެ.
އެ ހޮސްޕިޓަލްގެ އެ އަމާޒަކީ ނިއުޓްރިޝަނުންނާއި ގައިނެކޮލޮޖީ އަދި ޑަރމަޓޮލޮޖީގެ ސްޕެޝަލިސްޓުންނާ ގާތުން މަސައްކަތްކޮށްގެން ކޮންމެ ބަލިމީހަކަށް އެ މީހެއްގެ ހާލަތާ ގުޅޭގޮތަށް ފަރުވާގެ ސްޓްރެޓެޖީތައް އެކުލަވާލުން ކަމަށް ޓްރީޓޮޕް ހޮސްޕިޓަލުން ބުންޏެވެ.
އެގޮތުން ހަކުރުބަލި ހުންނަ މީހުންނަށް ޚާއްސަ ފަރުވާތަކާއި ޗެކްއަޕްތަކާއި ޕާސަނަލައިޒްޑް ކެއާ ޕްލޭންތައް އެކުލަވާލައިގެން ފަރުމާކޮށްފައިވާ ޕީސީއޯއެސް ޓްރީޓްމަންޓް ވެސް ލިބެއެވެ.
ޓްރީޓޮޕް ހޮސްޕިޓަލްގެ މާލޭ ކްލިނިކަށް އެ ހިދުމަތް ފުޅާކުރުމަކީ ވީހާ ވެސް ގާތުން ޚާއްސަ ސިއްހީ ޚިދުމަތް ފޯރުކޮށްދިނުމަށް ކުރަމުންދާ މަސައްކަތެއް ކަމަށް އެ ހޮސްޕިޓަލުން ބުންޏެވެ.
ކިޔުންތެރިންގެ ހިޔާލު