ހިޔާ ޓަވަރު ފަހެއްގައި ހިނގި އަލިފާނުގެ ހާދިސާއާ ގުޅިގެން 37 މީހުންނަށް ވަގުތީ ބޯހިޔާވަހިކަން ފޯރުކޮށްދީފިއެވެ.
ނެޝަނަލް ޑިޒާސްޓާ މެނޭޖުމަންޓް އޮތޯރިޓީ (އެންޑީއެމްއޭ)ގެ އޮފިޝަލަކު ވިދާޅުވީ، ހަތް އެޕާޓުމަންޓުގެ މީހުންނަށް ވަގުތީ ބޯހިޔާވަހިކަން ފޯރުކޮށްދިނީ ފަސް ދުވަހަށް ކަމަށެވެ. އެއީ، ގެއްލުންވި އެޕާޓުމަންޓުތައް މަރާމާތު ކުރުމަށް ދުވަސްކޮޅެއް ނަގާނެތީ ކަމަށް އެންޑީއެމްއޭ އިން ބުންޏެވެ.
އެ ހާދިސާގައި ވަނީ ފާހާނާގެ މައި ހޮޅިއަށް ގެއްލުން ވެފައެވެ. ގެއްލުންތައް ދެނެގަނެ، މަރާމާތު ކުރުމުގެ މަސައްކަތް އެޗްޑީސީ އާއި އެމްޑަބްލިޔުއެސްސީން އަންނަނީ ކުރަމުންނެވެ.
އެ ހާދިސާއާ ގުޅިގެން އެހީތެރިކަމެއް ބޭނުންވާނަމަ، އެންޑީއެމްއޭގެ އިމަޖެންސީ ނަމްބަރު 115އަށް ގުޅުމަށް އެ އޮތޯރިޓީން ވަނީ އެދިފައެވެ.
ކިޔުންތެރިންގެ ހިޔާލު