ހަ ބިދޭސީއަކު ހޯދަން އިމިގްރޭޝަނުން އާންމުންގެ އެހީއަށް އެދެފިއެވެ.

އިމިގްރޭޝަނުން މިއަދު ހޯދަން އިއުލާންކުރި ހަ ބިދޭސީންނަކީވެސް ބަންގްލަދޭޝްގެ ރައްޔިތުންނެވެ.

އިމިގްރޭޝަނުން ހޯދަމުންދަނީ ބާބުލް މިއާ (41 އ) އާއި، އަބްދުލް ކާދިރު ނިލޯއީ (28 އ) އާއި އެމްޑީ އިބްރާހީމް (25 އ) އާއި ޝޮހެލް މިއާ (32 އ) އާއި ރަނާ މިއާ (26 އ) އަދި އެމްޑީ މިރާޒް (30 އ) އެވެ.

މި މީހުންނާ ގުޅޭ އެއްވެސް މަޢުލޫމާތެއް އެނގޭނަމަ، އިމިގްރޭޝަންގެ ނަންބަރު 7980408 އަށް ފޯނުން ގުޅައި ނުވަތަ [email protected] އަށް އީމެއިލްކުރުމަށް އިމިގްރޭޝަނުން ވަނީ އެދިފައެވެ.

ރާއްޖޭގައި ގަވާއިދާ ހިލާފަށް އުޅޭ ބިދޭސީން ހޯދައި އަނބުރާ ގައުމަށް ފޮނުވާލުމަށް އިމިގްރޭޝަނުން އަންނަނީ ހާއްސަ މަސައްކަތްތަކެއް ކުރަމުންނެވެ.

މީގެއިތުރުން ގާނޫނާ ޚިލާފަށް ރާއްޖޭގައި ބިދޭސީން ހިންގާ ހަރަކާތްތައް ހުއްޓުވައި އެފަދަ މީހުންނާ މެދު ފުލުހުންނާއި އިމިގްރޭޝަން ގުޅިގެން އަންނަނީ ގާނޫނީ ފިޔަވަޅު އަޅަމުންނެވެ.