މިދިޔަ މަހުގެ 26 ވަނަ ދުވަހު ހުޅުމާލޭގެ ފުރަތަމަ ފިޔަވަހީގެ ބައެއް ސަރަހައްދުތަކުން ކަރަންޓު ކެނޑުނު މައްސަލަ ހައްލުކުރަމުން ދަނިކޮށް އަލިފާނުގެ ހާދިސާއެއް ހިނގައި, ލިބުނު ގެއްލުންތަކަށް ފަރުވާ ދެނިކޮށް މަރުވި, ސްޓެލްކޯގެ މުވައްޒަފުގެ ހަށިގަނޑު ރާއްޖެ ގެންނަން ނިންމައިފިއެވެ.
ތައިލޭންޑްގެ ބެންކޮކު ހޮސްޕިޓަލްގައި ފަރުވާ ދެމުން ދަނިކޮށް, މިދިޔަ ބުރާސްފަތި ދުވަހު މަރުވީ ސްޓެލްކޯގެ ސްޕަވައިޒަރެއްގެ މަގާމުގައި ހުރި އުމުރުން 43 އަހަރުގެ އަޙްމަދު އަޒްމީލެވެ. އޭނާ ސްޓެލްކޯގައި މަސައްކަތް ކުރާތާ 21 އަހަރަށް ވުރެން ގިނަ ދުވަސް ވަނީ ވެފައެވެ.
ސްޓެލްކޯގެ އޮފިޝަލް ވިދާޅުވީ އާއިލާގެ އެދުމުގެ މަތިން, އަޒްމީލްގެ ހަށިގަނޑު ރާއްޖެ ގެނައުމަށް ހަމަޖައްސަން ޖެހޭ ހުރިހާ އިންތިޒާމެއް އެ ކުންފުނިން ހަމަޖައްސަމުން އަންނަ ކަމަށެވެ.
“މާދަމާ ނުވަތަ އަންގާރަ ދުވަހު އަޒްމީލްގެ ހަށިގަނޑު ރާއްޖެ ގެނެވޭނެ،” އޮފިޝަލް ވިދާޅުވިއެވެ.
ދުނިޔެދޫކުރިއިރު އަޒްމީލްގެ އަންހެނުން އިނީ ބަލިވެއެވެ. އޭނާގެ ދެކުދިން ވެސް އެބަތިއްބެވެ.
ކިޔުންތެރިންގެ ހިޔާލު