ޓްރީ ޓޮޕް ހޮސްޕިޓަލުން ކުރެއްދޫ އައިލެންޑް ރިސޯޓް އެންޑް ސްޕާގެ އަންހެން މުވައްޒަފުންނަށް އަމާޒުކޮށްގެން އުރަމަތީ ކެންސަރަށް ހޭލުންތެރިކުރުމުގެ ސެޝަނެއް ކުރިއަށް ގެންގޮސްފިއެވެ.
އޮކްޓޫބަރު މަހަކީ ދުނިޔޭގެ އުރަމަތީ ކެންސަރަށް ހޭލުންތެރިކުރުމުގެ މަހެވެ.
މި ސެޝަން ކުރިއަށް ގެންގޮސްފައިވަނީ މިދިޔަ ބުރާސްފަތި ދުވަހު ކުރެއްދޫ އައިލެންޑް ރިސޯޓުގައެވެ.
ޓްރީ ޓޮޕް ހޮސްޕިޓަލުން ވިދާޅުވީ، ޑރ. އައިޝަތު ރިފްގާ ޝާހިދު އަދި ޑރ. އައިޝަތު މާރިޔާގެ އެހީތެރިކަމުގެ ދަށުންކުރިއަށް ގެންދިޔަ މި ސެޝަންގައި، އުރަމަތީ ކެންސަރުގެ ފުރަތަމަ ޢަލާމާތްތަކާއި، އަމިއްލައަށް ތަހުލީލުކޮށް ދެނެގަންނާނެގޮތާއި، އެޅޭނެ ފިޔަވަޅުތަކާއި ބެހޭ މުހިންމު މައުލޫމާތު ހިއްސާ ކުރި ކަމަށެވެ.
ޖުމްލަ 30 މުވައްޒަފުން މި ސެޝަންގައި ބައިވެރިވިއެވެ.
ޓްރީ ޓޮޕް ހޮސްޕިޓަލުން ވިދާޅުވީ، މި ސެޝަންތަކުގެ ސަބަބުން މުވައްޒަފުންނަށް މުހިންމު ސިއްހީ މައުލޫމާތު އެމީހުންގެ މަސައްކަތުގެ މާހައުލުގައި ލިބިގަތުމުގެ ފުރުސަތު ހުޅުވިގެންދިޔަ ކަމަށެވެ.
މިއީ ޓްރީ ޓޮޕް ހޮސްޕިޓަލުން ސިއްހަތު ކުރިއެރުވުމަށާއި ދުޅަހެޔޮ ސިއްހަތެއްގައި ދިވެހި މުޖުތަމައުއެއް ބިނާކުރުމަށް ކުރަމުންދާ މަސައްކަތުގެ ތެރެއިން ހިންގުނު ޖަރަކާތެއް ކަަމަށްވެސް އެ ހޮސްޕިޓަލުން މައުލޫމާތު ދެއްވައެވެ. އަދި މިހަރަކާތަކީ މުޖުތަމައުގެ ހޭލުންތެރިކަން އިތުރުކުރުމަށް އެޅިގެންދާ މުހިންމު ފިޔަވަޅެއް ކަަމަށްވެސް އެ ހޮސްޕިޓަލުން ވިދާޅުވެފައި ވެއެވެ.
ކިޔުންތެރިންގެ ހިޔާލު