ރައީސް ޑރ. މުހައްމަދު މުއިއްޒު ޗައިނާއަށް ވަޑައިގަންނަވާ ގޮތަށް ހަމަޖެހިއްޖެ އެވެ.
ޗައިނާގެ ބައެއް ނޫސްތަކުގައި ރިޕޯޓްކޮށްފައިވާ ގޮތުގައި ރައީސް މުއިއްޒު ޗައިނާއަށް ވަޑައިގަންނަވަނީ އެ ގައުމުން ދެވަނަ ބޮޑު ހަނގުރާމައިގެ ދުވަސްވަރު ޖަޕާނުގެ މައްޗަށް ނަސްރު ހޯދި ހޯދުމަށް 80 އަހަރު ފާހަގަކުރުމަށް އަންނަ މަހު ބާއްވާ ރަސްމިއްޔާތުގައި ބައިވެރިވެވަޑައިގަތުމަށެވެ.
އަންނަ މަހު ތިނެއްގައި ފަށާ އެ ރަސްމިއްޔާތުގައި ދުނިޔޭގެ 26 ގައުމެއްގެ ލީޑަރުން ބައިވެރިވާނެ ކަމަށް ޗައިނާގެ ނޫސްތަކުގައި ރިޕޯޓްކޮށްފައިވެ އެވެ.
އޭގެ ތެރޭފައި ރަޝިއާގެ ރައީސް ވުލަޑިމިއާ ޕޫޓިން، ދެކުނު ކޮރެއާގެ ލީޑަރު ކިމް ޖޮން އުންގުވެސް ހިމެނިވަޑައިގަންނަވައެވެ.
މިއީ ރައީސް މުއިއްޒު ވެރިކަމާ ހަވާލުވެވަޑައިގަތް ފަހުން ޗައިނާއަށް ކުރައްވާ ރަސްމީ ދެވަނަ ދަތުރުފުޅަށް ވެގެންދާނެ އެވެ.
އެމަނިކުފާނު ވެރިކަމާ ހަވާލުވެވަޑައިގަތުމަށް ފަހު ވެސް އެންމެ ފުރަތަމަ ރަސްމީ ދަތުރުފުޅެއް ކުރެއްވީ ވެސް ޗައިނާ އަށެވެ.
ހުޅުލެ އާއި މާލެއާ ދެމެދު ގާއިމްކޮށްފައިވާ ބްރިޖާއި ހުޅުމާލޭގެ ދެވަނަ ފިޔަވަހީގައި އިމާރާތްކޮށްފައިވާ ހިޔާ ފްލެޓްތަކަކީ ރާއްޖެ އާއި ޗައިނާއާ ދެމެދު އޮތް ޒަމާންވީ ގާތް ގުޅުމުގެ ރަމްޒެކެވެ.
ކިޔުންތެރިންގެ ހިޔާލު