ފެމިލީ ކޯޓުގެ އިސް ގާޒީ އިބްރާހިމް މާހިރު، ހުސްވެފައިވާ ހައިކޯޓުގެ ފަނޑިޔާރުކަމުގެ މަގާމަށް ކުރިމަތިލައްވައިފިއެވެ.
ހުސްވެފައިވާ ހައިކޯޓުގެ ފަނޑިޔާރު ކަމަށް އައްޔަންކުރަން ޖޭއެސްސީން ކުރިން ނިންމީ މުހައްމަދު ޝަހީދެވެ. އޭނާ ވަނީ ނަން އަނބުރާ ނަގާފައެވެ.
އެހެންވެ އެ ކޮމިޝަނުން ވަނީ ހައިކޯޓުގެ ފަނޑިޔާރު ކަމަށް ކުރިމަތިލުމުގެ ފުރުސަތު އަލުން ހުޅުވާލާފައެވެ.
މާހިރުގެ އިތުރުން އެހެން ބައެއް ފަނޑިޔާރުން ވެސް ހައިކޯޓުގެ ފަނޑިޔާރު ކަމަށް ކުރިމަތިލައްވާފައިވެއެވެ. އެކަމަކު އެ ބޭފުޅުންގެ ނަންތައް އަދި ނޭނގެއެވެ.
މާހިރު ފެމިލީ ކޯޓުގައި މަސައްކަތް ކުރައްވާތާ 15 އަހަރު ވެދާނެއެވެ.
މާހިރު އެންމެ ފުރަތަމަ އައްޔަންކުރެއްވީ މަދަނީ ކޯޓުގެ ގާޒީ ކަމަށް 9 ނޮވެމްބަރު 2005 ވަނަ ދުވަހުއެވެ. އޭގެފަހުން ފެމިލީ ކޯޓުގެ ގާޒީ ކަމަށް ބަދަލުވެވަޑައިގަތީ 23 މެއި 2010 ގައެވެ.
ކިޔުންތެރިންގެ ހިޔާލު