ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ އާ ޓާމިނަލް ހުޅުވުމުގެ ގޮތުން ބޭއްވި ހަވާ އެރުވުމުގެ ހަރަކާތް ދުނިޔޭގެ ރެކޯޑު ފޮތަށް އަރައިފިއެވެ.

ވީއައިއޭގެ އާ ޓާމިނަލް ހުޅުވުމަށް ރޭ ބޭއްވި ރަސްމިއްޔާތުގައި މާލޭގެ ވަށައިގެން ކަނޑުގެ 16 ސަރަހައްދެއްގައި އަދި އެއާޕޯޓް ކައިރިން ތިން ސަރަހެއްދެއްގައި ހަ މިނިޓު ވަންދެން ވަނީ ހަވާ އަރުވައިފައެވެ.

އެ ރެކޯޑު ހެދުމަށް ފަސް ތަނެއްގައި އެއްފަހަރާ އެއް ރޭޓެއްގައި ހަވާ އަރުވަން ޖެހެއެވެ. މުޅިން އަލަށް ގާއިމުކުރި އެ ރެކޯޑު ރާއްޖެއިން ހަދާފައިވަނީ، އެއްފަހަރާ އެއް ރޭޓެއްގައި ނުވަ ތަނެއްގައި ހަވާ އަރުވައިގެންނެވެ.

ދުނިޔޭގެ ރެކޯޑަކަށްވުމުން، އެކަމުގެ ލިޔުން މިއަދު ވަނީ ދީފައެވެ. ވީއައިއޭގެ އާ ޓާމިނަލުން ފުރަތަމަ ފަސިންޖަރުންނަށް މަރުހަބާ ކިޔުމަށް މިއަދު ބޭއްވި ރަސްމިއްޔާތުގައި އެމްއޭސީއެލްގެ ފަރާތުން ދުނިޔޭގެ ރެކޯޑުގެ ލިޔުމާ ހަވާލުވެވަޑައިގެންނެވީ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ ޗެއާޕާސަން އައިޝާ ނޫރައިން ޖަނާހެވެ.