ކުއްލި ޚަބަރު

ބޭންކުތަކުން އެމްއެމްއޭގައި ބަހައްޓަންޖެހޭ ބޭރު ފައިސާގެ މިންވަރު ފަސް ޕަސަންޓަށް ދަށްކޮށްފި

ރަޝިޔާގެ މަތިންދާބޯޓެއް ވެއްޓިއްޖެ

ގައުމީ އެންޖީއޯ ފޯރަމްގައި ބައިވެރިވުމުގެ ފުރުސަތު ހުޅުވާލައިފި

ހޮޅުދޫ ފިޓްނަސް އެންޑް ރެކްރިއޭޝަން ސެންޓަރުގެ ބިންގާ އަޅައިފި

މިލަދުންމަޑުލު ދެކުނުބުރީ ހޮޅުދޫގައި އިމާރާތްކުރުމަށް ހަމަޖައްސާފައިވާ ފިޓްނަސް އެންޑް ރެކްރިއޭޝަން ސެންޓަރުގެ ބިންގާ އަޅައިފިއެވެ.

ރައީސުލްޖޫމްހޫރިއްޔާ ޑރ. މުހަންމަދު މުޢިއްޒު މިހާރު މިލަދުންމަޑުލު ދެކުނުބުރިއަށް ކުރައްވަމުން ގެންދަވާ ދަތުރުފުޅުގެ ތެރެއިން މި ސެންޓަރުގެ ބިންގާ އަޅުއްވައިދެއްވީ ކުޅިވަރާއި ހަށިހެޔޮކަމާއިބެހޭ ވަޒީރު އަބުދުﷲ ރާފިއުއެވެ.

ނ. ހޮޅުދޫގައި މިއަދު ހެނދުނު ކުރިއަށް ދިޔަ މިރަސްމިއްޔާތުގައި ރައީސުލްޖުމްހޫރިއްޔާ ޑރ. މުހަންމަދު މުޢިއްޒުގެ އިތުރުން އެމަނިކުފާނުގެ އަރިހުގައި މިލަދުންމަޑުލު ދެކުނުބުރިއަށް ވަޑައިގެންނެވި ސަރުކާރުގެ އިސްވެރިންވެސް ވަނީ ބައިވެރިވެވަޑައިގެންފަވެއެވެ.

މިލަދުންމަޑުލު ދެކުނުބުރީ ހޮޅުދޫގައި މިއަދު ބިންގާ އެޅުނު ފިޓްނަސް އެންޑް ރެކްރިއޭޝަން ސެންޓަރަކީ ރޯޑް ޑިވެލޮޕްމެންޓް ކޯޕަރޭޝަން (އާރްޑީސީ)އާ ހަވާލުކުރައްވައިގެން ކުރިއަށްގެންދަވާ މަޝްރޫޢެކެވެެ.

މި މަޝްރޫޢާ ގުޅޭގޮތުން ޕީއެސްއެމް ނިއުސްއަށް މައުލޫމާތުދެއްވަމުން އެރަށު ކައުންސިލުގެ ރައީސް ރިޟްވާން މުހަންމަދު ވިދާޅުވީ ރަށުގައި ބިންގާ އެޅުނު ފިޓްނަސް އެންޑް ރެކްރިއޭޝަން ސެންޓަރުގެ މަސައްކަތް ނުހުއްޓި ބާރު ދުވެލީގައި ކުރިއަށްދާނެކަމުގެ ޔަގީންކަން ސަރުކާރުން ދެއްވާފައިވާކަމަށެވެ. އަދި އެތަނަކީ ގިނަ އަދަދެއްގެ އިންޑޯ ކުޅިވަރުތައް ކުޅެވޭގޮތަށް ފަރުމާކޮށްފައިވާ ތަނެއްކަމަށާ، މި މަޝްރޫޢުގެ އިތުރުންވެސް ސަރުކާރުން އިސްނަންގަވައިގެން ރަށުގައި އިތުރު ކުޅިވަރު މަޝްރޫޢެއްގެ މަސައްކަތް މިހާރުވެސް ކުރިއަށްދާކަމަށެވެ.

އެގޮތުން ރަށުގެ ރައްޔިތުންނަށްޓަކައި ތިން ބެޑްމިންޓަން ކޯޓު ހަދަމުންދާއިރު މި މަޝްރޫޢު މިއަހަރުގެ ސެޕްޓެމްބަރުމަހުގެ ތެރޭގައި ނިމޭނެކަމަށްވެސް އޭނާ ވަނީ މައުލޫމާތުދެއްވާފައެވެ. މިއީ ކުރީ ސަރުކާރުގައި ފައްޓަވާ ނުނިމިވަނިކޮށް މިސަރުކާރުން ކުރިއަށްގެންދަވާ މަޝްރޫއެއްކަމަށްވެސް ކައުންސިލުގެ ރައީސް ވިދާޅުވެފަވެއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިހާރު މިލަދުންމަޑުލު ދެކުނުބުރިއަށް ކުރައްވަމުން ގެންދަވާ ދަތުރުފުޅުގެ ތެރެއިން އެ އަތޮޅުގެ ގިނަ ރަށްތަކެއްގައި ފިޓްނެސް އެންޑް ރެކްރިއޭޝަން ސެންޓަރުތަކުގެ މަސައްކަަތްފެށިގެންދާއިރު އަންނަ އަހަރު ނިމުމުގެ ކުރިން ރާއްޖޭގެ ހުރިހާ ހިސާބެއްގައި ފިޓްނެސް އެންޑް ރެކްރިއޭޝަން ސެންޓަރުތައް އެޅުމަކީ ސަރުކާރުގެ އަމާޒެކެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.

ގުޅުންހުރި

immigration

ބަންދު ތިން ދުވަހު ވެސް ޕާސްޕޯޓުގެ ހިދުމަތްދޭނެ

121

ބޭންކުތަކުން އެމްއެމްއޭގައި ބަހައްޓަންޖެހޭ ބޭރު ފައިސާގެ މިންވަރު ފަސް ޕަސަންޓަށް ދަށްކޮށްފި

North harbour mpl

މާލޭ ނޯތު ހާބަރ ސަރަހައްދު ހިންގުން އެއްކޮށް އެމް.ޕީ.އެލްގެ ދަށަށް

މިނިވަން ދުވަހުގެ ހަަރަކާތްތަކާއި ގުޅިގެން ތިން ދުވަހެއްގައި ވެހިކަލް މަނާ ގަޑިތަކެއް ކަނޑައަޅައިފި

ELL Mobile Advertisement TTH_advertisement