ވަގަށް ނަގާފައިވާ 69 ސައިކަލަކާއި 29 ފޯނު މިދިޔަ މަހު ފުލުހުން ހޯދައިފިއެވެ.
ފުލުހުން މިއަދު އާންމުކުރި ތަފާސްހިސާބުގައިވާ ގޮތުން ފުލުހުންގެ މަސައްކަތުން ހޯދި 69 ސައިކަލުގެ ޖުމްލަ އަގަކީ 3،303،429 ރުފިޔާއެވެ. އަދި ފުލުހުން ހޯދި 29 ފޯނުގެ ޖުމްލަ އަގަކީ 202،375 ރުފިޔާއެވެ.
ތަފާސްހިސާބުގައިވާ ގޮތުން ފުލުހުން ވަނީ މިދިޔަ ޖޫން މަހުގެ ފައިސާއާ ގުޅުންހުރި 26 މައްސަލައެއްގައި 406،098 ރުފިޔާ ހޯދައިފައެވެ. ކަރަންޓު ސާމާނު ގެއްލިގެން ހުށަހެޅި މައްސަލަތަކުގެ ތެރެއިން އަށް މައްސަލައެއްގައި 80،000 ރުފިޔާގެ ކަރަންޓު ސަމާނު ހޯދައިފައިވާ ކަމަށް ފުލުހުން ބުންޏެވެ.
އެހެނިހެން 61 މައްސަލައެއްގައި 110،263 ރުފިޔާގެ މުދާ ހޯދާފައިވާ ކަމަށް ފުލުހުން ބުންޏެވެ.
އެ ތަފާސްހިސާބުގައިވާ ގޮތުން ފުލުހުން ވަނީ މިދިޔަ މަހުގެ ތެރޭގައި 45،380 ތަނެއް ޗެކްކޮށްފައެވެ. އަދި ފުޓް ޕެޓްރޯލިން 1،037 ގަޑިއިރާއި 48 މިނިޓު ކޮށްފައިވާ ކަމަށް ތަފާސްހިސާބުގައިވެއެވެ.
ކިޔުންތެރިންގެ ހިޔާލު