ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)ގެ މެނޭޖިން ޑިރެކްޓަރު މައުރޫފް ޖަމީލު މަގާމުން ރިޓަޔާ ކުރައްވަން ނިންމަވައިފިއެވެ.
މައުރޫފް ޖަމީލް ވަނީ އެކަން އެ ކުންފުނީގެ މުވައްޒަފުންނަށް އަންގަވާފައެވެ. މައުރޫފަކީ އެޗްޑީސީ އުފެދުނުއިރު ވެސް އެ ކުންފުނި ހިންގުމުގައި އިސްކޮށް އުޅުއްވި ބޭފުޅެކެވެ. އެ ކުންފުނީގެ އެމްޑީ ކަމަށް އޭނާ އަލުން އައްޔަންކޮށްފައި ވަނީ މިދިޔަ ޑިސެމްބަރު މަހުގެ 22 ވަނަ ދުވަހުއެވެ.
މައުރޫފް ވިދާޅުވެފައި ވަނީ އޭނާ މަގާމުން ރިޓަޔާ ކުރައްވަނީ ލުއިކޮށް މަސައްކަތް ކުރެވޭނެ އެހެން މަގާމަކަށް ވަޑައިގަތުމަށް ކަމަށެވެ.
ކުރީގެ ރައީސް މައުމޫން އަބްދުލްގައްޔޫމްގެ ވެރިކަމުގައި މައުރޫފް ޖަމީލް ވަނީ ހުޅުމާލެ ތަރައްގީކުރުމާ ބެހޭ ޕްލޭންތައް ހެދުމުގައި އިސް ދައުރެއް އަދާކުރައްވާފައެވެ.
ކޮންސްޓްރަކްޝަން މިނިސްޓަރު ކަމާއި އެޗްޑީއެފްސީގެ އިސް މަގާމްތަކެއް ވެސް އޭނާ އަދާކުރައްވާފައިވެއެވެ.
ކިޔުންތެރިންގެ ހިޔާލު