ކުއްލި ޚަބަރު

ރަސްމީ ދަތުރުފުޅެއްގައި ރައީސް މުއިއްޒު ޗައިނާއަށް ފުރާވަޑައިގެންފި

ކ. ގުރައިދޫގައި 100 ރުއް އިންދައިދޭނެ ބަޔަކު ހޯދަނީ

ހުޅުމާލޭގައި ސިފައިންގެ އަސްކަރީ ތަމްރީނުތަކެއް ކުރިއަށްގެންދަނީ

ޣައްޒާގައި ހިންގާފަދަ ގަތުލުއާންމުތަކެއް މީގެކުރިން ދުނިޔެ ދެކެފައިނުވޭ، އދއަކީ މިހާރު ބޭކާރުތަކެއް: ވެނެޒުއެލާގެ ރައީސް

ވެނެޒުއެލާގެ ރައީސް ނިކޮލާސް މަދޫރޯ

ފަލަސްތީނުގެ ޣައްޒާގައި މި ހިނގަމުންދާ ވަރުގެ ލާއިންސާނީ ގަތުލުއާންމުތަކެއް މީގެކުރިން ދުނިޔޭގައި ހިނގާފައިވާކަން އެނގޭން ނެތް ކަމަށް، ވެނެޒުއެލާގެ ރައީސް ނިކޮލާސް މަދޫރޯ ވިދާޅުވެއްޖެއެވެ.
ވެނެޒުއެލާގެ ރައީސަކީ، އިސްރާއީލުން ޣައްޒާގައި ހިންގަމުންގެންދާ އުދުވާނުތަކާ ވަރަށް ދެކޮޅު ބޭފުޅެކެވެ.

މަދޫރޯ ވިދާޅުވީ، އިސްރާއީލު ހުއްޓުވަން އދ ވަނީ ނުކުޅެދިފައި ކަމަށާއި، އދ މިހާރު ދަނީ ވާގި ނެތެމުން ކަމަށެވެ. އދގެ މުއައްސަސާތަކަކީ މިހާރު އެއްވެސް އަގެއްނެތް ބޭކާރު ތަންތަން ކަމަށް އޭނާ ވިދާޅުވިއެވެ.
އިސްރާއީލުން ޣައްޒާގައި ހިންގަމުންގެންދާ ލޭއޮހޮރުވުންތަކާއި، ގަތުލުއާންމުތަކާއި، ހަނގުރާމައިގެ ޖަރީމާތަކުގެ ފުރިހަމަ ޒިންމާ، ޖަރުމަނު، ފްރާންސް، ޔޫކޭ އަދި އެމެރިކާގެ ސަރުކާރުތަކުން އުފުލަން ޖެހޭނޭ ކަމަށާއި، އެގައުމުތަކަކީ އިސްރާއީލުން ފަލަސްތީނުގައި ހިންގާ ގަތުލުއާންމުތަކުގެ ފުރިހަމަ ބައިވެރިން ކަމަށްވެސް، ވެނެޒުލާގެ ރައީސް ވިދާޅުވިއެވެ.

ވެނެޒުއެލާގެ ރައީސް ނިކޮލަސް މަދޫރޯ މި މޭރުމުން ވާހަކަ ދެއްކެވީ، ޓެލެގްރާމްގައި ޕޯސްޓް ކުރެއްވި މެސެޖެއްގައެވެ.
ޣައްޒާއާ ގުޅޭގޮތުން މަދޫރޯ މި ވާހަކަ ދެއްކެވިއިރު، ޒަޔަނިސްޓު އިސްރާއީލުން މިހާރު ވަނީ ޣައްޒާގައި ހިންގާ ގަތުލުއާންމުތައް އިތުރަށް ފުޅާކޮށްފައެވެ.
އިއްޔެ އެކަނިވެސް ޣައްޒާއިން 95 މީހުން ޝަހީދުކޮށްލާފައި ވާއިރު، މިއަދުގެ މިހާތަނަށް 31 މީހުން ޝަހީދުކޮށްލާފައި ވެއެވެ. ކާނޭ އެއްޗެއް ހޯދަން ގޮސްތިބި މީހުންގެ ތެރެއަށް ބަޑިޖަހައިވެސް މިއަދު 16 މީހުން ޝަހީދު ކޮށްލާފައި ވެއެވެ.

ޒަޔަނިސްޓު އިސްރާއީލު އަސްކަރިއްޔާއިން މިހާރު ތައްޔާރުވަމުންދަނީ، ޣައްޒާއަށްދޭ ހަމަލާތައް އަދިވެސް ވަރުގަދަކޮށް، ފުޅާކުރުމަށް ތައްޔާރުވަމުންނެވެ. އެކަން ކުރުމަށް ޣައްޒާއަށް އިތުރު ސިފައިން ފޮނުވަން ތައްޔާރުވަމުން އެބަދެއެވެ.
މި ހުރިހާ ޖަރީމާތަކެއް ޒަޔަނިސްޓުން ހިންގަމުން ގެންދާއިރުވެސް، އެމެރިކާއާއި، ހުޅަނގުގެ ބޮޑެތި ގައުމުތަކުން ގެންދަނީ އިސްރާއީލަށް ހަތިޔާރު ފޯރުކޮށްދީ، ހިތްވަރުދެމުންނެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.

ގުޅުންހުރި

418385 7b5494a9 a

ރަސްމީ ދަތުރުފުޅެއްގައި ރައީސް މުއިއްޒު ޗައިނާއަށް ފުރާވަޑައިގެންފި

112

ކ. ގުރައިދޫގައި 100 ރުއް އިންދައިދޭނެ ބަޔަކު ހޯދަނީ

112

ހުޅުމާލޭގައި ސިފައިންގެ އަސްކަރީ ތަމްރީނުތަކެއް ކުރިއަށްގެންދަނީ

falah

މީހަކު މަރާކަށް ނުގޮވަން، “އުލުބޭންދުން” ބޭނުންކުރީ އެހެން މާނައެއްގައި: ފަލާހު

TTH_advertisement ELL Mobile Advertisement