އީރާނާއި ޔަހޫދީ ދައުލަތަކީ އެތައް ޒަމާނެއް ވަންދެން ހަތުރުންގެ ގޮތުގައި އޮތް ދެ ޤައުމެވެ. ދެ ޤައުމުން ވެސް ނުސީދާކޮށް އެއް ބަޔަކު އަނެއް ބަޔަކަށް ޙަމަލާދޭތާ އެތައް އަހަރެއް ވަނީ ވެފައެވެ. ނަމަވެސް ފަހަކަށް އައިސް ދެ ޤައުމުޤައުމުން ދެމުންދާ ޙަމަލާތައް ވަނީ ސީދާ ކުރިމަތިލުންތަކާ ދިމާލަށް މިސްރާބު ޖަހާފައެވެ. އީރާނާއި ޔަހޫދީ ދައުލަތާ ދެމެދު ޙަމަލާތަކެއް ބަދަލުކުރަމުންދާ މި ދަނޑިވަޅުގައި ދެ ޤައުމުގެ އަސްކަރީ ޤާބިލުކަމަށް ބަލައިލުމަކީ މުހިންމު ކަމެކެވެ.

ސިފައިންގެ އަދަދަށް ބަލާއިރު، އީރާނުގެ އަސްކަރީ ޚިދުމަތުގައި 610،000 ސިފައިން ތިބިއިރު، ޔަހޫދީ ދައުލަތުގެ އަސްކަރީ ޚިދުމަތުގައި 169،500 ސިފައިން ޙަރަކާތްތެރިވެއެވެ. މިއީ ވަރަށް ބޮޑު ތަފާތެކެވެ. ނަމަވެސް ދެ ޤައުމުގައިވެސް 18 އަހަރުން މަތީގެ ފިރިހެނުންނަށް އަސްކަރިއްޔާގައި ޚިދުމަތްކުރުން ލާޒިމުވެއެވެ.

އަސްކަރީ ޚަރަދަށް ބަލާއިރު، 2023 ވަނަ އަހަރު އީރާނުން ވަނީ 10.3 ބިލިއަން އެމެރިކާ ޑޮލަރު ޚަރަދު ކޮށްފައެވެ. އެއަށް ވުރެ ގިނައިން، 27.5 ބިލިއަން އެމެރިކާ ޑޮލަރު، ޔަހޫދީ ދައުލަތުން ވަނީ ޚަރަދުކޮށްފައެވެ. މިއީވެސް ފާހަގަކޮށްލެވޭ ތަފާތެކެވެ.

އަސްކަރީ އެއްގަމު އުޅަނދުތަކަށް ބަލާއިރު، އީރާނުގެ އަސްކަރިއްޔާގައި 10،513 ހަނގުރާމަމަތީ ޓެންކަރު ހުރިއިރު، ޔަހޫދީ ދައުލަތުގައި ހުރީ 400 އެއްހާ ޓެންކަރެވެ. މިއީވެސް ބޮޑު ތަފާތެކެވެ.

ވައިގެ ސިފައިންގެ ބާރަށް ބަލާއިރު، އީރާނުގެނުގެ އަސްކަރިއްޔާގައި 312 އަސްކަރީ މަތިންދާބޯޓު އޮތްއިރު، ޔަހޫދީ ދައުލަތުގައި 345 ހަނގުރާމަމަތީ މަތިންދާބޯޓު ހުއްޓެވެ. މިއީ ކުޑަ ތަފާތެކެވެ.

ކަނޑުގެ ސިފައިންގެ ބާރަށް ބަލާއިރު، އީރާނުގެ އަސްކަރިއްޔާގައި 17 ސަބްމެރީނާއި 68 ކޯސްޓު ގާޑު އޮތްއިރު، ޔަހޫދީ ދައުލަތުގައި 5 ސަބްމެރިންއާއި 49 ކޯސްޓު ގާޑު އޮވެއެވެ. މިބައިގައި އީރާނުގެ ބާރު ބޮޑުކަން ފާހަގަކުރެވެއެވެ.

ވައިގެ ދިފާޢީ ނިޒާމަށް ބަލާއިރު، ޔަހޫދީ ދައުލަތުގެ އަޔަން ޑޯމް ނިޒާމަކީ ވަރަށް ހަރުދަނާ ނިޒާމެކެވެ. އީރާނުގެ އަޒަރަޚްޝް ނިޒާމަކީވެސް ފާހަގަކޮށްލެވޭ ނިޒާމެކެވެ. ދެ ޤައުމުގައިވެސް ތަފާތު ގިނަ ވައިގެ ދިފާޢީ ނިޒާމުތައް ހުރިކަން ފާހަގަކުރެވެއެވެ.

ބެލިސްޓިކް މިސައިލްތަކަށް ބަލާއިރު، އީރާނުން 12 ވައްތަރެއްގެ މިސައިލް ގެންގުޅޭއިރު، ޔަހޫދީ ދައުލަތުން މަދުވެގެން 4 ވައްތަރެއްގެ މިސައިލް ގެންގުޅެއެވެ. އީރާނުގެ މިސައިލްތަކުގެ ތެރޭގައި 2،000 ކިލޯމީޓަރަށް ދަތުރުކުރެވޭ މިސައިލްތައް ހިމެނޭއިރު، ޔަހޫދީ ދައުލަތުގެ ޖެރިކޯ-3 މިސައިލަށް 6،500 ކިލޯމީޓަރާ ހަމައަށް ދަތުރުކުރެވެއެވެ. މިއީ ފާހަގަކޮށްލެވޭ ތަފާތެކެވެ.

ނިއުކްލިޔަރ ޤާބިލުކަމަށް ބަލާއިރު، ޔަހޫދީ ދައުލަތުގައި 90 ނިއުކްލިޔަރ ހަތިޔާރު ހުރި ކަމަށް ބެލެވެއެވެ. އީރާނުގައި ނިއުކްލިޔަރ ހަތިޔާރު ހުރިކަމަށް ނުބެލެވުނު ނަމަވެސް، އެ ޤައުމުގައި ވަރުގަދަ ނިއުކްލިޔަރ މަޝްރޫޢެއް ހިންގަމުންދާކަން ފާހަގަކުރެވެއެވެ.

ސިފައިންގެ އަދަދުން އީރާނު އިސްވެ އޮތް ނަމަވެސް، އަސްކަރީ ޚަރަދާއި ޓެކްނޮލޮޖީގެ ގޮތުން ޔަހޫދީ ދައުލަތުގެ އަސްކަރިއްޔާ އިސްވެ އޮތްކަން ފާހަގަކުރެވެއެވެ. ނަމަވެސް ދެ ޤައުމުގެ އަސްކަރީ ޤާބިލުކަމުގައި ފާހަގަކޮށްލެވޭ ތަފާތުތަކެއް ހުރިކަން ދެނެގަނެވެއެވެ. މި ތަފާތުތަކުގެ ސަބަބުން ދެ ޤައުމުގެ މެދުގައި ސީދާ ހަނގުރާމައެއް ހިނގައިފިނަމަ، އޭގެ ނަތީޖާ ވަރަށް ނުރައްކާތެރި ވެދާނެކަން ފާހަގަކުރެވެއެވެ.

މި ދެ ޤައުމުގެ އަސްކަރީ ޤާބިލުކަމުގެ ތަފާތުތަކަށް ބަލާއިރު، ސަރަޙައްދީ އަދި ބައިނަލްއަޤްވާމީ އަމަންއަމާންކަމަށް މި ދެ ޤައުމުގެ ވާދަވެރިކަމުން ކުރާނެ އަސަރު ވަރަށް ބޮޑުވާނެކަން ފާހަގަކުރެވެއެވެ. އެހެންކަމުން، ދެ ޤައުމުގެ މެދުގައި ހުރި މައްސަލަތައް ޙައްލުކުރުމަށް ޑިޕްލޮމެޓިކް މަސައްކަތްތައް އިތުރުކޮށް، ސުލްޙަވެރި ގޮތްތައް ހޯދުމަކީ މުޅި ދުނިޔެއަށް މަށް މުހިންމު ކަމެއްކަން ފާހަގަކުރަމެވެ.