ކުއްލި ޚަބަރު

މޫސުން ރަނގަޅުވަންދެން މޫދު ކުޅިވަރުގެ ހަރަކާތްތައް މަޑުޖައްސާލުމަށް ފުލުހުން އިލްތިމާސްކޮށްފި

ފެނަކަ ސައީދުގެ މައްޗަށް އިތުރު ދައުވާއެއް އުފުލައިފި

ފިޝިންގ ލިންކު މެދުވެރިކޮށް ޓެލެގްރާމް ހެކްކުރުމުގެ މައްސަލަތައް އިތުރުވާތީ ސަމާލުވާން އެދިއްޖެ

އިސްރާއީލު ގައިދީން މިނިވަން ކުރުމަށްވުރެ އަހަންނަށް މުހިންމީ ހަމާސް ބަލިކުރުން: ނަތަންޔާހޫ

ހަމާސްއިން ހައްޔަރުކޮށްފައިވާ އިސްރާއީލު މީހުން މިނިވަން ކުރުމަށްވުރެ އޭނާއަށް މުހިންމީ ހަމާސް ބަލިކުރުން ކަމަށް، އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ބުނެފިއެވެ.

އިސްރާއީލުގެ “މިނިވަންދުވަސް” ފާހަގަކުރުމަށް ބޭއްވި ހަފްލާއެއްގައި ވާހަކަ ދައްކަމުން ނަތަންޔާހޫ ބުނެފައިވަނީ، ހަމާސް ބަލިކުރުމަކީ، އިސްރާއީލު ގައިދީން މިނިވަން ކުރުމަށްވުރެ އޭނާ މުހިންމުކަންދޭ ކަމެއް ކަމަށެވެ. ޣައްޒާގައި އިސްރާއީލުން ކުރަމުންދާ ހަނގުރާމައިގައި ހާސިލްކުރަން ބޭނުންވާ ވަރަށް ގިނަ އަމާޒުތައް އެބަހުރި ކަމަށާއި، އިސްރާއީލު ގައިދީންވެސް މިނިވަންކުރަން ބޭނުންވާ ކަމަށާއި، ނަމަވެސް އެ ހުރިހާ ކަމަކަށްވުރެ ބޮޑު އަމާޒަކީ ހަމާސް ބަލިކުރުން ކަމަށެވެ. އިސްރާއީލުން އެ އަމާޒު ހާސިލްކުރާނޭ ކަމަށްވެސް ނަތަންޔާހޫ ވައުދުވެފައި ވެއެވެ.

ނަތަންޔާހޫގެ މި ވާހަކަތަކަށް، އިސްރާއީލު ގައިދީންގެ އާއިލާތައް ތަމްސީލުކުރާ ގްރޫޕުން ވަގުތުންވަނީ ރުޅިވެރިކަމާއެކު ރައްދު ދީފައެވެ. ބުނެފައިވަނީ، ޣައްޒާގައި ކުރަމުންދާ ހަނގުރާމައިގައި އެންމެ އިސްކަންދޭ ކަމަށް ވާންޖެހޭނީ އެމީހުންގެ އާއިލާތަކުގެ މެމްބަރުން މިނިވަންކުރުން ކަމަށެވެ.

ގައިދީންގެ އާއިލާތައް ތަމްސީލުކުރާ ގްރޫޕުން ބުނެފައިވަނީ، ނަތަންޔާހޫގެ ވިސްނުން މިހާރު ހުރީ، ސަރުކާރުގެ ފިނޭންސް މިނިސްޓަރު ސްމޮރިޗްގެ ވިސްނުމާ އެއްގޮތްވެފައި ކަމަށެވެ. ފާރ-ރައިޓް ސްމޮރިޗްވެސް ބުނަމުންގެންދަނީ، ޣައްޒާގައި ކުރަމުންދާ ހަނގުރާމައިގެ އަމާޒަކީ ގައިދީން މިނިވަންކުރުން ނޫން ކަމަށެވެ.

ގައިދީންގެ އާއިލާތަކުން ބުނަނީ، ނަތަންޔާހޫއާއި ސްމޮރިޗްގެ ވިސްނުމަކީ އިސްރާއީލު ރައްޔިތުންގެ ވިސްނުން ނޫން ކަމަށެވެ. ރައްޔިތުން ބޭނުންވަނީ، އެހެން ހުރިހާ ކަމަކަށްވުރެ ގައިދީން މިނިވަންކުރުން ކަމަށްވެސް ބުނެފައި ވެއެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.

ގުޅުންހުރި

ކުޅުދުއްފުށީގައި އެމްޑީޕީން ޖަލްސާ ބާއްވަން ނިންމީ މާލެއިން ނުކުންނާނެ ބަޔަކު ނުވެގެން: ޝުޖާއު

އައިއެސްއޭ އެކެޑަމީ އަތުން ދިވެހި ޒުވާން ގައުމީ ޓީމަށް ފަސޭހަ މޮޅެއް

މޫސުން ރަނގަޅުވަންދެން މޫދު ކުޅިވަރުގެ ހަރަކާތްތައް މަޑުޖައްސާލުމަށް ފުލުހުން އިލްތިމާސްކޮށްފި

ފޮރެންސިކް ޑައިވިންގ ކޯސް ކާމިޔާބު ކަމާއެކު ނިންމާލައިފި

TTH_advertisement ELL Mobile Advertisement