ޓޫރިޒަމް ސިނާއަތަކީ ދިވެހިން ފަޚުރުވެރިވާ އަދި އެންމެންނަށް ފައިދާ ކުރާ ސިނާއަތަކަށް ހައްދަވާނެ ކަމަށް އައު މިނިސްޓަރ އޮފް ޓޫރިޒަމް އެންޑް އެންވަޔަރަންމަންޓް ޠާރިޤު އިބްރާހީމް ވިދާޅުވެއްޖެއެވެ.

އިއްޔެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ އާއި މިނިސްޓްރީ އޮފް ޓޫރިޒަމް އެއްކޮށްލައްވައި، އައު މިނިސްޓްރީގެ ވަޒީރުކަމަށް ޠާރިޤު އިބްރާހީމް ޢައްޔަނު ކުރައްވާފައެވެ. މި ބަދަލާ ގުޅިގެން ދައުލަތުގެ މީޑިއާއަށް ދެއްވި ބަސްދީގަތުމެއްގައި ވަޒީރު ޠާރިޤް ވިދާޅުވީ ރާއްޖޭގެ ފަތުރުވެރިކަމުގެ ސިނާޢަތާއި ތިމާވެށީގެ ދާއިރާއިން މިހާރު ކުރަމުންދާ ކަންތައްތައް މިހާރަށްވުރެ ރަނގަޅަށް ކުރިއަށް ގެންދަވާނެ ކަމަށެވެ.

އިރާދަކުރެއްވިއްޔާ ރާއްޖޭގެ ޓޫރިޒަމް ސެކްޓަރ އަކީ އަޅުގަނޑުމެން އެންމެން ފަޚުރުވެރިވާ އަދި އެންމެންނަށް ފައިދާ ކުރާ އަދި ޓޫރިޒަމް ސެކްޓަރ އިތުރަށް ހަރުދަނާ ކުރުމަށް އަޅުގަނޑު މަސައްކަތް ކުރާނަަތް ކުރާނަން،- ވަޒީރު ޠާރިޤް ވިދާޅުވިއެވެ.

މި އައު އައްޔަންކުރެއްވުން އަންނަނީ މިދިޔަ އަހަރު ފަތުރުވެރިކަމުގެ ދާއިރާއިން ރާއްޖެއިން ކަނޑައެޅި އަމާޒަށް ވާސިލްވުމަށްފަހުގައެވެ. ކުރީގެ ޓޫރިޒަމް މިނިސްޓަރ އިބްރާހިމް ފައިސަލް މަޤާމުން ވަކިކުރެއްވީ މިދިޔަ މަހުގެ 28 ވަނަ ދުވަހުއެވެ.

ވަޒީރު ޠާރިޤްގެ މި ބަސްފުޅުތަކުން ދޭހަވަނީ ރާއްޖޭގެ ފަތުރުވެރިކަމުގެ ސިނާޢަތު އިތުރަށް ތަރައްޤީކޮށް، އެ ދާއިރާއިން ލިބޭ މަންފާ އިތުރު ކުރުމަށް އަމާޒު ހިފާފައިވާކަމެވެ. އަދި ތިމާވެށީގެ ދާއިރާއާ ގުޅުވައިގެން ފަތުރުވެރިކަމުގެ ދާއިރާ ކުރިއެރުވުމަށް މަސައްކަތް ކުރައްވާނެކަމުގެ އުއްމީދު ވެސް މެއެވެ.