ބިދޭސީއެއްގެ އަތުން ފޭރުނު މައްސަލައިގައި 2 ދިވެއްސަކު ފުލުހުންގެ ބެލުމުގެ ދަށަށް ގެންގޮސްފައިވާކަމަށް ދިވެހި ފުލުހުންގެ ޚިދުމަތުން ވިދާޅުވެއްޖެއެވެ.
ދިވެހި ފުލުހުންގެ ޚިދުމަތުން ވިދާޅުވީ މާލޭގެ ގުލާބީ ގޯޅީގައި 2 މީހަކު ވެގެން ބިދޭސީއެއްގެ އަތުން ފޭރުނު މައްސަލައެއް ރޭ 2:12 އެހާކަންހާއިރު ރިޕޯޓުކޮށްފައިވާ ކަމަށެވެ. އަދި އެ ދެ މީހުން 33،500 ރުފިޔާ ފޭރުނުކަމަށް މަޢުލޫމާތު ދީފައިވާކަމަށްވެސް ފުލުހުން ވިދާޅުވިއެވެ.
ފުލުހުން ވިދާޅުވީ މި މައްސަލައާ ގުޅިގެން ފުލުހުންގެ ބެލުމުގެ ދަށަށް ގެންގޮސްފައިވާކަމަށެވެ. އެއީ 36 އަހަރުގެ ދިވެހި 2 ފިރިހެނުން ކަމަށެވެ. އެ މީހުންނަކީ ކ. މާލެ، ހ. ރެދަން / ފަވާޒް ކަޅުތުއްތު އާއި ތ. ތިމަރަފުށި، ލަކީ ހައުސް / ސޮފްވާން އަލީއެވެ.
ފުލުހުން ދަނީ މި މައްސަލަ ތަޙުޤީޤުކުރަމުންނެވެ.
ކިޔުންތެރިންގެ ހިޔާލު