ހުޅުމާލޭގެ ހިޔާ ފްލެޓުތަކުގެ ބައެއް ފްލެޓުތަކުން ފެން ކެނޑިފައިވަނީ ދިމާވި ކުއްލި މައްސަލައަކާ ގުޅިގެން ކަމަށާއި އެމައްސަލަ ޓެކުނިކަލްޓީމުން ހައްލުކުރުމުގެ މަސައްކަތް މިހާރު ކުރަމުންދާކަމަށް މޯލްޑިވްސް ވޯޓަރ އެންޑް ސިވަރޭޖް ކޮމްޕެނީ (އެމްޑަބްލިއުއެސްސީ) އިން ބުނެފިއެވެ،
އެމްޑަބްލިއުއެސްސީ ގެ ޓީމުން ބުނީ، ހުޅުމާލޭގެ ހިޔާ ފްލެޓު ސަރަހައްދުގެ ފެނުގެ ވިއުގައަށް ދިމާވި ކުއްލި މައްސަލައަކާ ގުޅިގެން މެއިންޓެނަންސް މަސައްކަތް މިހާރު ކުރިއަށްދާ ކަމަށެވެ. އެހެންކަމުން އެމަސައްކަތް ނިމެންދެން ހިޔާ ފްލެޓު 1 އިން ފެށިގެން 8 ވަނަ ފްލެޓާ ހަމަށް ހުރިހާ ފްލެޓެއްގެ ހުރިހާ ފަންގިފިލާތަކުން ފެނުގެ ޚިދުމަތް މިވަގުތު މެދުކެނޑިފައިވާ ކަމަށެވެ.
އެކުންފުނިން ވިދާޅުވީ އެމަސައްކަތް ވީ އެންމެ އަވަހަކަށް ހައްލު ކުރުމުގެ މަސައްކަތް އެކުންފުނީގެ ޓީމުން ކުރަމުން އަންނަ ކަމަށެވެ.
މިގޮތަށް ދިމާވެ ފެން ލިބުން މެދުކެނޑިފައިވާތީ، އެކަމަށްޓަކައި އެކުންފުނިން ވަނީ ރައްޔިތުންނަށް ދިމާވާ ދަތިތަކަށް މައާފަށް އެދިފައެވެ.
