ފްރާންސްގެ ޤައުމީ ފުޓްބޯޅަ ޓީމުން، އައު ކޯޗު ޒިނިދުން ޒިދާންގެ ކޯޗުކަމުގެ ދަށުން ފުރަތަމަ ފަރިތަކުރުން ބާއްވައިފިއެވެ.
ފްރާންސްގެ ތަޖްރިބާކާރު ކުޅުންތެރިޔާ ކޯޗުކަން ކޮށްދިނުމަށް ފަށާފައި މިވަނީ ސްޕެނިޝް ލަލީގާގެ ރެއާލް މެޑްރިޑްގެ ކޯޗުކަމުން ވަކިވިތާ 5 އަހަރު ފަހުންނެވެ. ފްރާންގެ ކޯޗުކަމާ ޒިދާން ހަވާލުމިވީ ކުރިން 14 އަހަރު ކޯޗުކަމުގައި ހުރި ޑިޑިއަރ ޑެޝޯމްޕް މަޤާމުން އިސްތިއުފާ ދިނުމުންނެވެ. އޭނަގެ ކޯޗުކަމުގައި އެންމެ ފަހުން ކުޅުނީ ނިމުނު ފީފާ ވޯލްޑު ކަޕްއެވެ. ވޯލްޑުކަޕް ފްާންސުން ނިންމާލީ 4 ވަނައާއެކުއެވެ.
ޒިދާންގެ ބެލުމުގެ ދަށުން އެކުލަވާލި 23 ކުޅުންތެރިންގެ ފުރަތަމަ ސްކޮޑުގައި އާންމުކޮށް ފާހަގަ ކޮށްލެވޭ ގިނަ ކުޅުންތެރިން ހިމެނިފައި ވީނަމަވެސް ދުވަސްވީ ތަޖްރިބާކާރު ބައެއް ކުޅުންތެރިންނަށް ފުރުސަތު ގެއްލިފައިވެސްވެއެވެ. އެގޮތުން އެންގޯލޯ ކާންޓޭ ޓީމަށް ނަގާފައިނުވެއެވެ. ނިމިގެންދިޔަ ވޯލްޑް ކަޕަށް ކާންޓޭ ނަގާފައިވީ ނަމަވެސް އެމުބާރާތުގައި އެންމެ މެޗެއްގައިވެސް އޭނާ ކުޅެން އަރުވާފައެއް ނުވެއެވެ.
ޒިދާން ބުނީ އޭނަގް ކޯޗުކަމުގެ ދަށުން ޒުވާން ކުޅުންތެރިންނަށް އިސްކަންދޭނެކަމަށެވެ. ޓީމު ބޮޑަށް ބިނާކުރާނީ ޒުވާން ކުޅުންތެރިންގެ މައްޗަށްކަމަށްވެސް ބުންޏެވެ. ކާންޓޭ އާއި ގުޅޭގޮތުން ސުވާލުކުރުމުން ޒިދާން ބުނެފައިވަނީ އޭނާގެ އުމުރުން މިހާރު 35 އަހަރު ކަމަށާއި އެހެން ކަމުން އޭނާ ޓީމަށް ނުނެގުން އެއީ އޭނާގެ ނިންމުން ކަމަށެވެ.
މީގެކުރިން ޤައުމީ ޓީމަށް ކުޅެފައިނުވާ 5 ކުުންތެރިން ހިމަނާފައިވެއެވެ. އޭގެތެރޭގައި ޓޮލޫސްގެ ކީޕަރ ގިއޮމް ރެސްޓް، ލޯންސްގެ ކީޕަރ ރޮބިން ރީސަރ، ޑިފެންޑަރުން ކަމަށްވާ ޖެރެމީ ޖެކީ އާއި އިންޓަރ މިލާންގެ އެންޑީ ޑިއޫފް އަދި ކޯމޯއަށް ކުޅޭ ލޫކަސް ޑި ކުންޔާ ހިމެނެއެވެ. މީގެއިތުރުން ޤައުމީ ޓީމުގެ ކެޕްޓަންގެ ގޮތުގައި ކިލިއަން އެމްބާޕޭ ދެމި ހުންނާނެކަންވެސް ޒިދާން ފާހަގަކޮށްފައިވެއެވެ. ޒިދާންގެ ކޯޗު ކަމުގެ ދަށުން ފަރަންސޭސިވިލާތް ކުޅޭ ފުރަތަަމަ މެޗުގައި މިމަހުގެ 25 ވަނަ ދުވަހު ރަށުން ބޭރުގައި ނިކުންނާނީ ނޭޝަންސް ލީގުގެ މެޗެއްގައި ތުރުކީޔޭ އާއި ދެކޮޅަށެވެ. އަދި މީގެއިތުރުން މިމުބާރާތުގެ އިތުރު ތިން މެޗު މިފަހަރުގެ އިންޓަރނޭޝަނަލް ބްރޭކުގައި ފަރަންސޭސިވިލާތުން ކުޅޭނެއެވެ. އެތިން މެޗުގެ ތެރެއިން ދެމެޗު ކުޅޭނީ ބެލްޖިއަމް އާއި ދެކޮޅަށެވެ. އެއީ ރަށާއި ރަށުން ބޭނުގައި ކުޅޭ ދެމެޗެވެ. އަދި ތިންވަނަ މެޗުގައި ނިކުންނާނީ އިޓަލީވިލާތާއި ދެކޮޅަށެވެ.
ކިޔުންތެރިންގެ ހިޔާލު