ކ. ގާފަރު ބަނދަރު މަރާމާތު ކުރުމުގެ މަޝްރޫޢު މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާ މިއަދު ހަވާލުކޮށްފިއެވެ.
މި މަޝްރޫޢުގެ އެއްބަސްވުމުގައި މިނިސްޓްރީ އޮފް އިންފްރާސްޓްރަކްޗަރ، ހައުސިންގ އެންޑް އަރބަން ޑިވެލޮޕްމަންޓްގެ ފަރާތުން ސޮއިކުރެއްވީ މިނިސްޓަރ އޮފް ސްޓޭޓް އިސްމާޢިލް ޙަމީދެވެ. އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ ޑެޕިއުޓީ މެނޭޖިންގ ޑިރެކްޓަރ މުޙައްމަދު ޖަމްޝީދެވެ.
މި މަޝްރޫޢުގެ ދަށުން ގާފަރު ބަނދަރު އަދި ނެރު ފުންކުރުމުގެ މަސައްކަތް ކުރުމަށް ވަނީ ހަމަޖެހިފައެވެ. މީގެ އިތުރުން 420 މީޓަރުގެ ބޮޑުހިލައިގެ ބޭރުތޮށި ޖެހުމާއި 17 މީޓަރުގެ ބޮޑުހިލަ ސަބްމާރޖްޑް ބޭރުތޮށި ޖެހުމުގެ މަސައްކަތް ހިމެނެއެވެ.
އަދި ރަށުގެ މިހާރުގެ އެއްގަމުތޮށީގެ ތެރެއިން 468 މީޓަރުގެ ސަރަޙައްދެއް މަރާމާތުކުރުމާއި، 220 މީޓަރު ދިގު އަދި 4 މީޓަރު ފުޅާމިން ހުންނަ ކޮންކްރީޓް ޖެޓީއެއް އެޅުމުގެ މަސައްކަތްވެސް މި މަޝްރޫޢުގެ ތެރޭގައި ހިމެނެއެވެ.
ކިޔުންތެރިންގެ ހިޔާލު