ގއ. ދެއްވަދޫގައި ތަރައްޤީކުރާ ފިޓްނަސް އެންޑް ރެކްރިއޭޝަން ސެންޓަރުގެ އަމަލީ މަސައްކަތް ބާރަށް ކުރިއަށް އެބަދެއެވެ.
މި މަޝްރޫޢަކީ ދެއްވަދޫގެ ރައްޔިތުންނާއި ޒުވާނުންގެ ދުޅަހެޔޮކަމާއި ކުޅިވަރުގެ ވަސީލަތްތައް ތަރައްޤީކުރުމުގެ މަޤްޞަދުގައި ކުރިއަށްގެންދާ މަޝްރޫޢެކެވެ. އިމާރާތުގެ މައިގަނޑު އޮޅިގަނޑުގެ މަސައްކަތް ނިމި، މިހާރު ދަނީ ފުރާޅާއި ފާރުތަކުގެ މަސައްކަތް ކުރަމުންނެވެ.
މި މަޝްރޫޢުގެ މަސައްކަތް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އާ ހަވާލުކޮށްފައިވަނީ 29 މާރިޗު 2025 ގައެވެ. މި މަޝްރޫޢުގެ ޖުމްލަ އަގަކީ 4.6 މިލިއަން ރުފިޔާއެވެ.
މި ސެންޓަރުގެ މަސައްކަތް އެއްކޮށް ނިމުމުން ދެއްވަދޫގެ ރައްޔިތުންނަށް ކަސްރަތުކުރުމާއި އިޖުތިމާޢީ އެކިއެކި ޙަރަކާތްތައް ހިންގުމަށް އެކަށީގެންވާ ޒަމާނީ ވަސީލަތްތަކެއް ލިބިގެންދާނެއެވެ.
ކިޔުންތެރިންގެ ހިޔާލު