މެންޗެސްޓަރ ސިޓީގެ ފޯވަޑް އާލިން ހާލަންޑު ބޯ ކޮށާލުމާއެކު ގިނަ ބައެއްގެ ސަމާލުކަން އެކަމަށް ލިބިއްޖެއެވެ.
ބޯނެމައުތު އަތުން 2-1އިން މެންޗެސްޓާ ސިޓީ މޮޅުވި މެޗުގެ ހުރިހާ ކަމެއް ސިޓީގެ ފޯވަޑް އާލިން ހާލަންޑްގެ ބޮލަށް ވަނީ އަމާޒުވެފައެވެ. އައު ސީޒަން ހާލަންޑު ފެށީ އޭނާގެ ދިގު އިސްތަށިގަނޑު ކުރުކޮށް ކޮށާލުމަށްފަހުއެވެ.
ހާލަންޑު ބުނީ ބޮލުގެ އިސްތަށިގަނޑު ހަންގަނޑު ފެންނަ ވަރަށް ކުރުކޮށް ކޮށީ، މިލިޓަރީ މީހުންގެ އެ ގޮތަށް ތިބޭތީކަމަށެވެ.
އަހަރެން ވަރަށް ގަޔާވޭ މިލިޓަރީ ސްޓައިލަށް. މިހެންވެ އަހަރެން ބޭނުންވީ ބަޒް ކަޓެއް ބަހައްޓަން.
ހާލަންޑު ބުންޏެވެ.
އިސްތަށިގަނޑު ކޮށާނުލުމަށް އެންމެ ބޮޑަށް ބާރު އެޅީ އިސްތަށިގަނޑު ދިގުކޮށް ބެހެއްޓި ކުޅުންތެރިއެއް ކަމަށްވާ ސްވިޑްންގެ ކުރީގެ ފޯވަޑް ޒްލަޓާން އިބްރަހިމޮވިޗް ކަމަށް ހާލަންޑު ބުންޏެވެ. ސިޓީގެ ކޯޗު ޕެޕް ގާޑިއޯލާ ވަނީ މި ބަދަލު ދައްކަން ފޯނު ކުރުމުން ގާޑިއޯލާ އަށް ފުރަތަމަ ގަބޫލު ކުރަން ވެސް ކުރަން ދަތިވިކަމަށް ބުނެފައެވެ.
ސިޓީ އަށް ކުޅޭ އަދި އިސްތަށިގަނޑު ދިގުކޮށް ބަހައްޓާ އިނގިރޭސި މިޑްފީލްޑަރު ޖެކް ގްރީލިޝް ބުނީ ބޯ ކޮށާލުމުން ހާލަންޑް ހީވަނީ 17 އަހަރުގެ ޅަކުއްޖެއް ކަމަށެވެ.
ހާލަންޑުގެ ކުރީގެ ޓީމް މޭޓް ކެވިން ޑެބްރޭނާ ބުނީ އޭނާގެ ތިން ކުދިން ވެސް ބޭނުންވީ ހާލަންޑް އިސްތަށިގަނޑު ކޮޕީ ކުރަން ކަމަށާއި ސްކޫލް ކުދިން އެގޮތަށް ބޯހަދައިގެން އުޅޭ ކަމަށެވެ.
ކިޔުންތެރިންގެ ހިޔާލު