އެމެރިކާއާއި އީރާނާ ދެމެދު ސްވިޒަރލޭންޑްގައި މާދަމާ ފަށަން ތާވަލް ކޮށްފައިއޮތް ވާހަކަތައް ކެންސަލް ކޮށްފިއެވެ.
މީޑިއާ ރިޕޯޓްތައް ބުނަނީ، ވާހަކަތައް ކެންސަލްކުރީ އެމެރިކާއިން އީރާނަށް ދެދުވަސްމަތިން ވަރުގަދަ ވައިގެ ހަމަލާތަކެއް ދިނުމާ ގުޅިގެން ކަމަށެވެ.
އީރާނުން ބުނަނީ، އެމެރިކާއިން އީރާނަށް ހަމަލާތައް ދީފައިވަނީ، ހަމަލާތައް 60 ދުވަހަށް ހުއްޓާލަން ދެ ފަރާތުގެ ދެމެދުގައި ވެފައިވާ އެއްބަސްވުމާ ޚިލާފަށް ކަމަށެވެ.
ވާހަކަތައް ކެންސަލް ކުރުމުގެކުރިން އީރާނުގެ އިންގިލާބީ ލަޝްކަރުން ބުނެފައިވަނީ، އެމެރިކާއިން އީރާނަށް ހަމަލާދީ، އެއްބަސްވުމުގެ ފުރަތަމަ މާއްދާއާ ޚިލާފްވެފައިވާ ކަމަށާއި، ނަތީޖާއެއްގެގޮތުން ވާހަކަ ދެއްކުން ނިމުނީ ކަމަށެވެ.
އެމެރިކާއިން އީރާނަށް ދިން ވައިގެ ހަމަލާތަކުގެ ރައްދުގައި އީރާނުގެ ލަޝްކަރުތަކުންވަނީ، ސަރަހައްދުގެ ބައެއް ގައުމުތަކުގައި ހުރި އެމެރިކާގެ ބޭސްތަކަށްވެސް ވަރުގަދަ ހަމަލާތަކެއް ދީފައެވެ.
ކިޔުންތެރިންގެ ހިޔާލު