މާލެ ޓެކްސީ ލައިން ތައާރަފް ކުރިފަހުން ފާއިތުވި 22 ދުވަހުގެ ތެރޭގައި 13000އަށް ވުރެއް ގިނަ ދަތުރުކޮށްފައިވާކަމަށް އެމްޓީސީސީއިން ހާމަކޮށްފިއެވެ.
އެމްޓީސީސީން ވަނީ މާލެ ޓެކްސީލައިން ތައާރަފްކޮށް ހިދުމަތް ދޭން ފެށިފަހުން މިހާތަނައް ކޮށްފައިވާ ދަތުރުތަކުގެ ތަފާސްހިސާބުތައް ހިއްސާކޮށްފައެވެ. އެގޮތުން އޭޕްރީލް މަހުގެ 18 އިން 9 މޭއާއި ހަމައަށް ޖުމްލަ މިހާތަނައް 13073 ދަތުރު ވަނީ ކޮށްފައިއެވެ. މީގެ ތެރޭގައި ހިމެނެނެނީ މާލެ އަށް ކުރި 9395 ދަތުރާއި ވީއައިއޭއަށް ކުރި 429 ދަތުރާއި ހުޅުމާލެ ފޭސް 1އަށް ކުރި 1966 ދަތުރުގެ އިތުރުން ހުޅުމާލެ ފޭސް 2އަށް ކުރި 1283 ދަތުރުއެވެ.
Malé Taxi Line was introduced as a safe, reliable and convenient travel option across the Greater Malé Region. 🚕
AdvertisementIn the first three weeks since its official launch, the service has already completed over 13,000 trips, reflecting the growing demand for the service. 📊
We remain… pic.twitter.com/3Kb3YnYu7r
— MTCC Plc (@MTCCPlc) May 13, 2026
މި ދަތުރުތަކުގައި ޖުމްލަ 9550 ކަސްޓަމަރުން ވަނީ ދަތުރުކޮށްފައިކަމަށް އެމްޓީސީސީއިން ބުންޏެވެ.
ޓެކްސީ ލައިންގެ ޚިދުމަތް މިހާރު ރަސްމީކޮށް ފަށާފައިވާއިރު، މި ޚިދުމަތަށް ބޭނުންކުރާނީ %100 ތިމާވެއްޓާ ރައްޓެހި އުޅަނދުތަކެކެވެ. މީގެތެރޭގައި 3 ސައިޒެއްގެ އުޅަނދު ހިމެނޭއިރު، މި ޚިދުމަތަކީ 24 ގަޑިއިރު ދޭނެ ޚިދުމަތެކެވެ.
މި ޚިދުމަތް ދިނުމަށް ތިމާވެއްޓާއި ރައްޓެހި 150 އިލެކްޓްރިކް ކާރު ވަނީ މާލެ ގެނެސްފައެވެ. މާލޭގައި ޓެކްސީ ލައިންގެ ޚިދުމަތް ދިނުމަށް ގެެނެސްފައިވަނީ، ޗަންގަން އޮޓޯމޮބިލް ބްރޭންޑުގެ ކާރުތަކެވެ. މާލެ ސަރަޙައްދުގެ ދަތުރުފަތުރުގެ ދަތިތަކަށް ޙައްލެއް ހޯދައިދިނުމުގެ މަޤުސަދުގައި ސަރުކާރުން ފެށި މި ޚިދުމަތް ރަސްމީކޮށް އިފްތިތާޙު ކޮށްދެއްވީ، މިދިޔަ އެޕްރީލްމަހުގެ 2 ވަނަ ދުވަހުގެ ރޭ ހުޅުމާލެ ސެންޓްރަލް ޕާކުގައި ބޭއްވި ރަސްމިއްޔާތެއްގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒެވެ.
ކިޔުންތެރިންގެ ހިޔާލު