ޤައުމީ ޤުރްއާން މުބާރާތުގެ އޮޑިޝަން ރާއްޖޭގެ އެކި ސަރަހައްދުތަކުގައި ބާއްވަން ނިންމައިފިއެވެ.
ޤައުމީ ޤުރުއާން މުބާރާތައް މިހާބޮޑު ބަދަލެއް ގެނެސްފައިމިވަނީ ޤުރުއާން މުބާރަތުގެ ކުރިއެރުމަށެވެ. ކީރިތި ޤުރުއާނާ ބެހޭ މަރުކަޒުން ބުނީ މި އަހަރުގެ މުބާރާތުގެ އޮޑިޝަން ބުރު ކުރިއަށް ގެންދާނީ ރާއްޖޭގެ ފަސް ސިޓީއެއްގެ އިތުރުން 17 ރަށެއްގައި ކަމަށެވެ. މި ރަށްތައް ކަނޑައަޅާފައި ވަނީ ކޮންމެ އަތޮޅަކުން ރަށެއް އަދި ސިޓީތައް ހިމެނޭ ގޮތަށްކަމަށް އެ މަރުކަޒުން ބުންޏެވެ.
އޮޑިޝަން ކުރިއަށްދާނެ ސަރަޙައްދުތައް:
- ކުޅުދުއްފުށި ސިޓީ
- ތިނަދޫ ސިޓީ
- ފުވައްމުލައް ސިޓީ
- އައްޑޫ ސިޓީ
- މާލެ ސިޓީ
- ހއ. ހޯރަފުށި
- ހއ. ދިއްދޫ
- ށ، ފުނަދޫ
- ނ. މަނަދޫ
- ރ. އުނގޫފާރު
- ބ. އޭދަފުށި
- ޅ. ނައިފަރު
- އއ. ރަސްދޫ
- އދ. މަހިބަދޫ
- ވ. ފެލިދޫ
- މ. މުލި
- ފ. ނިލަންދޫ
- ދ. ކުޑަހުވަދޫ
- ތ. ވޭމަންޑޫ
- ލ. ފޮނަދޫ
- ގއ. ވިލިނގިލި
- ސ. އައްޑޫ މީދޫ
އޮޑިޝަންގައި ބައިވެރިވާން މިހާރު ވަނީ ހުޅުވާލާފައެވެ. އެގޮތުން އޮޑިޝަން ކުރިއަށް ގެންދާނީ އަންނަ ޖޫން މަހުގެ އެއްވަނަ ދުވަހުން ފެށިގެން 28 ވަނަ ދުވަހަށެވެ. މުބާރާތުގެ ފެށުމުގެ ރަސްމިއްޔާތު 10 ސެޕްޓެމްބަރަށް ތާވަލުކޮށްފައިވާއިރު، މުބާރާތުގެ ސެމީ ފައިނަލާއި ފައިނަލް ބުރު އޮންނާނީ 11 ސެޕްޓެމްބަރުން 19 ސެޕްޓެމްބަރަށް މާލޭގައެވެ.
ކިޔުންތެރިންގެ ހިޔާލު