ރާއްޖޭގެ ކަނޑުމަސް ޗައިނާގެ ސީޗުއަން ޕްރޮވިންސަށް އެކްސްޕޯޓުކުރުމަށް މަޝްވަރާކޮށްފިއެވެ. މި މަޝްވަރާތައް ކުރިއަށް ގެންގޮސްފައިވަނީ، ޗައިނާގެ ސީޗުއަން ޕްރޮވިންސްގެ ވަފުދާއެކު އިޤްތިޞާދީ ވުޒާރާއިން ބޭއްވި މަޝްވަރާތަކުގައެވެ.
އިޤްތިޞާދީ ވަޒީރު މުޙައްމަދު ސަޢީދު އަދި އެ ވުޒާރާގެ އިސްވެރިން ބައިވެރިވެވަޑައިގެންނެވި މި ބައްދަލުވުމުގައި ސީޗުއަން ޕްރޮވިންސްގެ ވައިސް ގަވަރުނަރ ރެން ޖިންޑޮންގް އަދި އެ ޕްރޮވިންސްގެ އިސް ފަރާތްތައް ބައިވެރިވެ ވަޑައިގެންނެވިއެވެ. ސީޗުއަ ޕްރޮވިންސްގެ ވަފުދާއެކު، ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ކޮންގް ޒިއަންހުއާވެސް ބައިވެރިވެ ވަޑައިގެންނެވިއެވެ. ސަޢީދު ވަނީ، ޗައިނާގެ ވަފުދަށް މަރުހަބާ ދަންނަވާފައެވެ. އަދި ވިދާޅުވީ،ވިދާޅުވީ، ޗައިނާއާއި ރާއްޖެއާއި ދެމެދު ސޮއިކުރި މިނިވަން ވިޔަފާރީގެ އެއްބަސްވުމުގެ ބޭނުން އެންމެ ފުރިހަމަ ގޮތުގައި ހިފައި، ދެ ޤައުމުގެ ދެމެދުގައިވާ ވިޔަފާރިއާއި އިންވެސްޓްމަންޓްތައް ފުޅާކުރުމާ ގުޅޭގޮތުން މަޝްވަރާ ކޮށްފައިވާ ކަމަށެވެ. އަދި ކާބޯތަކެތީގެ ރައްކާތެރިކަން ކަށަވަރު ކުރުމާއި، އެކްސްޕޯޓް އިތުރު ކުރުމަށް އެއްބާރުލުން ދިނުމާއި ގުޅޭގޮތުން ބިނާކުރަނިވި މަޝްވަރާތަކެއް ކޮށްފައިވާ ކަމަށް ސަޢީދު ވިދާޅުވިއެވެ.
Honoured to welcome the Sichuan delegation, led by Vice Governor Ren Jingdong, on the occasion of his visit to the Maldives.
Constructive discussions were held on enhancing bilateral trade and investment through the effective utilisation of the China–Maldives Free Trade… pic.twitter.com/fi4X61GDHfAdvertisement— Mohamed Saeed (@em_saeed) April 24, 2026
ސަޢީދު ވިދާޅުވީ، ރައީސް ޑރ. މުޙައްމަދު މުޢިއްޒުގެ ސަރުކާރުން ރާއްޖޭގެ ތަރައްޤީއަށް އިސްކަންދޭ ކަންކަމުގައި އެހީތެރިކަން ފޯރުކޮށްދިނުމަށް ޗައިނާއިން ތައްޔާރަށް އޮތް ކަމަށެވެ. މިކަން ފަހިވީ، 2024 ވަނަ އަހަރު އެމަނިކުފާނު ޗައިނާއަށް ކުރެއްވި ފުރަމާނަ ދަތުރުފުޅުގެ ތެރެއިން ކަމަށާއި، އެދަތުރުފުޅުގެ ތެރެއިން ދެ ޤައުމުގެ ލީޑަރުންގެ މެދުގައި އެއްބަސްވެފައިވާ ކަންކަމާ އެއްގޮތްވާ ގޮތުގެ މަތިން މިދާއިރާއިން އެއްބާރުލުން ދިނުމަށް ތައްޔާރަށް އޮތް ކަމަށެވެ. ވަޒީރު ވަނީ، ދެ ޤައުމުގެ ގުޅުން ބަދަހިކޮށް ނަތީޖާ ނެރެވޭނެ ކަމަށް އުއްމީދު ކުރައްވާ ކަމަށް ވިދާޅުވެފައެވެ.
Appreciate the warm reception extended by Minister @em_saeed the Ministry of Economic Development, Transport and Trade of the Maldives @MoEDmv to the Sichuan delegation today.
Both sides exchanged views and reached positive understandings on better leveraging FTA policies,… https://t.co/vsam7JJUzT
— Ambassador Kong Xianhua (@China_Amb_Mdv) April 23, 2026
މި ބައްދަލުވުމާގުޅޭގޮތުން ޗައިނާ ސަފީީރު ވިދާޅުވީ މިނިވަން ވިޔަފާރީގެ އެއްބަސްވުމުގެ ބޭނުން ފުރިހަމައަށް ހިފުމަށާއި، ރާއްޖޭގެ ކަނޑުމަހުގެ އުފެއްދުންތައް ޗައިނާގެ ސީޗުއާން ޕްރޮވިންސަށް ބޭރު ކުރުމާއި ގުޅޭގޮތުން ޚިޔާލު ބަދަލުކޮށް މަޝްވަރާ ކުރި ކަމަށެވެ. މީގެ އިތުރުން މަސްވެރިކަމާއި، ދަނޑުވެރި ކަމާއި އަދި އެހެނިހެން ސިނާޢީ ދާއިރާތަކުން ގުޅުން ބަދަހިކުރުމަށްވެސް މަޝްވަރާ ކުރިކަން ފާހަގަކޮށް ސަފީރު ވިދާޅުވީ، ސިޗުއާންގެ ކުންފުނިތަކުން ރާއްޖޭގައި އިންވެސްޓް ކުރުމަށް މަޝްވަރާ ކޮށްފައިވާ ކަމަށެވެ.
ކިޔުންތެރިންގެ ހިޔާލު