އެމްޑީޕީގެ ޗެއާޕާސަން ކަމަށް ވާދަކުރައްވާ ކުރީގެ ރައީސް މުހައްމަދު ނަޝީދަށް އިތުރު ވޯޓު ލިބޭނެ ދޮރުތައް ބަންދުކުރުމަށްފަހު އިންތިހާބާ ބެހޭ ކޮމިޓީން މާފަންނު ހުޅަނގު ދާއިރާގެ ކުރީގެ މެންބަރު މުހައްމަދު ފަލާހު ތަނާޒުލް ވެއްޖެއެވެ.

ކުއްލިގޮތަކަށް އިންތިޚާބާ ބެހޭ ކޮމިޓީގެ ބައްދަލުވެއް ބާއްވައި ރޭ 12:00 ގެ ފަހުން ޕާޓީއަށް ވަންނަ މީހުންނަށް އިންތިޚާބުގައި ވޯޓު ނުލެވޭނެ ކަމަށް އެ ކޮމިޓީން ވަނީ ފާސްކޮށްފައެވެ. މިއީ ޗެއާޕާސަން ކަމަށް ވާދަކުރައްވާ ނަޝީދަށް ވޯޓުދިނުމަށް ގިނަ އަދަދެއްގެ މެންބަރުން އެ ޕާޓީއަށް ވަންނަމުންދާތީ އެކަން ހުއްޓުވުމުގެ ގޮތުން ކުލިގޮތަކަށް ނިންމި ނިންމުމެކެވެ.

ނަޝީދު ވަނީ އެކަން ކުށްވެރިކޮށް، އެއީ ސޯލިހުގެ ފެކްޝަކުން އިންތިހާބަށް ނުފޫޒުފޯރުވަން ކުރި ކަމެއް ކަމަށް ތުހުމަތު ކުރައްވާފައެވެ.

އެކަމާ ގުޅިގެން ގިނަ ބައެއްގެ ފާޑުކިޔުންތައް އަމާޒުވުމުން “ޗެއާޕާސަން އިންތިހާބު ނިމެންދެން” އެ ކޮމިޓީން ތަނާޒުލްވެފައިވާކަން އޭނާ ވަނީ އިއުލާންކުރައްވާފައެވެ.

އިންތިހާބާ ބެހޭ ކޮމިޓީގެ މެންބަރުން ވަކި ކެންޑިޑޭޓަކަށް ކެމްޕޭންކޮށްދިނުމަކީ އެމްޑީޕީގެ ގަވާއިދު ތަންދޭ ކަމެއް ނޫނެވެ. އެކަމަކު ފާލާހު ގެންދަވަނީ ޗެއާޕާސަން ކަމަށް ވާދަކުރައްވާ ގަލޮޅު ދެކުނު ދާއިރާގެ މެންބަރު މީކާއީލް އަހްމަދު ނަސީމަށް ކެމްޕޭންކޮށްދެއްވަމުންނެވެ.