ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން އިންތިޒާމުކުރާ މުރަކަ އިންދުމުގެ ހަރަކާތުގައި ބައިވެރިވުމުގެ ފުރުސަތު އާންމުންނަށާއި އެކި ޖަމިއްޔާ ޖަމާއަތްތަކަށް ހުޅުވާލައިފިއެވެ.
އެޗްޑީސީ އިން ބުނީ މި ހަރަކާތުގައި ބައިވެރިވާން ބޭނުންވާ ފަރާތްތަކަށް މިހާރު އެ ފުރުސަތު ހުޅުވާލެވިފައިވާ ކަމަށެވެ. އަދި
ބައިވެރިވާން އެދޭ ފަރާތްތަކުން [email protected] އަށް އީމެއިލް ކުރުމަށް އެޗްޑީސީން އެދެއެވެ. މި ފުރުސަތު ހުޅުވާލާފައިވަނީ ތިމާވެއްޓާ ގުޅުންހުރި މަޝްރޫއުތައް ކުރިއަށްގެންދިއުމަށް އެކި ޖަމިއްޔާ ޖަމާއަތްތަކާ ގުޅިގެން ހަރަކާތްތައް ކުރިއަށްގެންދިޔުމުގެ މަގްސަދުގައެވެ.
އެޗްޑީސީން ދަނީ ހުޅުމާލޭގެ ތިމާވެށި ހިމާޔަތްކުރުމަށާއި، ރަށުގެ ފެހިކަން އިތުރުކުރުމަށް މިފަދަ ތަފާތު އިޖުތިމާއީ ޒިންމާގެ ހަރަކާތްތައް ރާވައި ހިންގަމުންނެވެ.
ހުޅުމާލޭގެ އެންމެ ހިތްގައިމު ސަރަހައްދު ކަމަށްވާ ޗެނަލް ޕާކަށް އުޅަނދު ވަނުން ބަންދުކޮށް އެޗްޑީސީ އިން ވަނީ އެ ސަރަހައްދަކީ ހަމައެކަނި މޫދަށް އެރި އުޅެވޭނެ ސަރަހައްދަކަށް ބަދަލުކޮށްފައެވެ.
ކިޔުންތެރިންގެ ހިޔާލު