އާދީއްތަ އަދި ހޯމަ ދުވަހަކީ ސަރުކާރު ބަންދު ދެ ދުވަސްކަމަށް ސަރުކާރުން ހަމަޖައްސައިފިއެވެ.
ރައީސުލްޖުމްހޫރިއްޔާގެ އޮފީީހުން ބުނީ އަންނަ އާދީއްތަ އަދި ހޯމަ ދުވަހަކީ ސަރުކާރު ބަންދު ދުވަސްތަކެއްކަމަށް ރައީސުލްޖުމްހޫރިއްޔާ ހަމަޖައްސަވާފައިވާކަމަށެވެ. އެގޮތަށް ހަމަޖެއްސެވީ މިއަދު ކުރިއަށްދިޔަ އިންތިޚާބުގެ އެކިއެކި މަސައްކަތްތަކުގައި ދައުލަތުގެ މުއައްސަސާތަކާއި، ސިވިލް ސަރވިސްގެ ގިނަ ޢަދަދެއްގެ މުވައްޒަފުން ހަރަކާތްތެރިވާތީ އިލެކްޝަންސް ކޮމިޝަނުން އެދިވަޑައިގަތުމުންކަމަށެވެ. އަދި އިންތިޚާބަށް ފަހުގައިވެސް އިންތިޚާބާ ގުޅުންހުރި މުހިންމު މަސައްކަތްތަކެއް ކުރުމަށް ހަމަޖެހިފައިވާތީ އޭޕްރީލް 6 ވާ ހޯމަ ދުވަސްވެސް ސަރުކާރު ބަންދު ދުވަހެއްގެ ގޮތުގައި ކަނޑައެޅުމަށް އިލެކްޝަންސް ކޮމިޝަނުން އެދިވަޑައިގެންފައިވާތީކަމަށް ރައީސް އޮފީހުން ބުންޏެވެ.
މިއަދު ބޭއްވި ތިން ތިންތިޚާބުގެ ނަތީޖާ މިހާރު ވަނީ އިއުލާންކުރަން ފަށާފައެވެ.
މި އިންތިޚާބުގައި ވޯޓުލުމުގެ ޙައްގު 294،876 މީހުންނަށް ލިބިގެންވެއެވެ. އިލެކްޝަންސް ކޮމިޝަނުން އެންމެ ފަހުން ހާމަކޮށްފައިވާ މައުލޫމާތުން ދައްކާގޮތުގައި ހަވީރު 4:00 ޖެހުމާ ހަމައަށް %60 އަށްވުރެ ގިނަ މީހުން ވަނީ ވޯޓުލާފައެވެ.
ކިޔުންތެރިންގެ ހިޔާލު