ރައްޔިތުންނަށް ލިބިފައިވާ ގާނޫނީ ޙައްގުގެ ބޭނުންހިފައި، އެންމެންވެސް ވޯޓުލުމުގައި ބައިވެރިވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އިލްތިމާސްކުރައްވައިފިއެވެ.
އެމަނިކުފާނު މިކަމަށް އިލްތިމާސްކުރެއްވީ، ލޯކަލް ކައުންސިލް އިންތިޚާބާއި، އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބާއި، ރިޔާސީ އިންތިޚާބުގެ އިތުރުން ރައްޔިތުންގެ މަޖިލީހުގެ އިންތިޚާބު އެއްދުވަހެއްގައި ބޭއްވުމާމެދު ފެންނަ ގޮތެއް ނިންމުމަށް މިއަދު ނަގާ ވޯޓުގައި ބައިވެރިވެވަޑައިގަތުމަށް ފަހުގައެވެ.
ތާޖުއްދީން ސްކޫލުގައި ބަހައްޓާފައިވާ މާފަންނު ދެކުނު ދާއިރާގެ ވޯޓު ފޮއްޓަށް ވޯޓުލެއްވުމަށްފަހު މީޑިއާތަކާ ވާހަކަފުޅުދައްކަވަމުން ރައީސް މުޢިއްޒު ވިދާޅުވީ، ވޯޓު ލުމަކީ ކޮންމެ ރައްޔިތަކަށްމެ ލިބިފައިވާ އަސާސީ އަދި ޤާނޫނީ ޙައްޤެއް ކަމަށެވެ. އެހެންކަމުން، އެ ޤާނޫނީ ހައްގު އަދާކުރުމުގެ ގޮތުން މިއަދުގެ ވޯޓުގައި ހުރިހާ ރައްޔިތުންވެސް ބައިވެރިވުމަށް އެމަނިކުފާނު ވަނީ އެދިވަޑައިގެންފައެވެ.
ކިޔުންތެރިންގެ ހިޔާލު