އިތުރު 1500 ޓަނުގެ ގޭސް ސްޓޯރޭޖެއް ތަރައްގީ ކުރުމުގެ މަސައްކަތް މާލޭގައި ކުރަމުން ދާކަމަށް ފިނޭންސް މިނިސްޓަރު މޫސާ ޒަމީރު ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ޒަމީރު ވިދާޅުވީ އެސްޓީއޯއިން ވަނީ އިތުރު 1500 ޓަނުގެ ސްޓޯރޭޖް މާލެ ސަރަހައްދުގައި ތަރައްގީކުރަން ފަށާފައިކަމަށާއި، މި އަހަރުގެ ނިޔަލަށް އެ މަސައްކަތް ނިމޭނެ ކަމަށެވެ.
މިވަގުތު މާލޭ ސަރަހައްދުގައި އެސްޓީއޯއިން ބޭނުން ކުރަމުންދަނީ 1000 ޓަނުގެ ގޭސްސްޓޯރޭޖެކެވެ. އިތުރު 1500 ޓަނުގެ ސްޓޯރޭޖާއެކު 2 މަހާއި ބައިގެ ސްޓޮކް ގެންގުޅެވޭނެ ކަމަށް މިނިސްޓަރު ވިދާޅުވިއެވެ.
“މިއަހަރު ނިމެންވާއިރަށް އިތުރު 1500 ޓަނުގެ ގޭސް ސްޓޯރޭޖު ހެދުމުގެ މަސައްކަތް ކަމަށް އެސްޓީއޯއިން ވިދާޅުވަނީ. އޭރުން އަޅުގަނޑުމެންނަށް 2 މަހާއި ބައިގެ ސްޓޮކް ގެންގުޅެވޭނެ މާލެ ސަރަހައްދުގައި،” ޒަމީރު ވިދާޅުވިއެވެ.
ޒަމީރު ވިދާޅުވީ ރާއްޖޭގައި އެކަށީގެންވާ ވަރަށް ތެލުގެ ސްޓޮކު އެބަހުރި ކަމަށެވެ.
ކިޔުންތެރިންގެ ހިޔާލު