ށ. ފުނަދޫ ގޮނޑުދޮށް ހިމާޔަތްކުރުމުގެ މަޝްރޫޢު އަންނަ ޖޫންމަހުގެ ނިޔަލަށް ނިންމާލެވޭނެ ކަމަށް އެމްޓީސީސީން ބުނެފިއެވެ.
އެމްޓީސީސީން ބުނީ މިމަޝްރޫޢުގެ މަސައްކަތުގެ ޖުމްލަ 73 އިންސައްތަ މިހާރު ނިމިފައިވާކަމަށެވެ. އަދި މިމަސައްކަތުގެ ދަށުން މިހާރު ކުރިއަށްދަނީ ރިވެޓްމަންޓް ޖަހާ ސަރަޙައްދު ފުންކުރުމާއި، އެ ސަރަޙައްދު ބެކްފިލް ކުރުމުގެ މަސައްކަތް ކަމަށް އެ ކުންފުނިން ބުންޏެވެ.
މީގެ އިތުރުން، ބޮޑުހިލަ ބޭނުންކޮށްގެން ރިވެޓްމަންޓް ޖެހުމުގެ މަސައްކަތްވެސް ބާރަށް ކުރިއަށްއެބަދެއެވެ.
ރިވެޓްމަންޓް ޖެހުމުގެ 48 އިންސައްތަ މަސައްކަތާއި، ބިން ހިއްކުމުގެ މަސައްކަތުގެ 72 އިންސައްތަ ނިމިފައިވާކަމަށް އެ ކުންފުނިން ބުންޏެވެ.
ރަށުގެ ގޮނޑުދޮށް ހިމާޔަތްކުރުމަށްޓަކައި ކުރަމުންދާ މަސައްކަތުގެ ދަށުން ވެލި އެޅުމުގެ މަސައްކަތުގެ 64 އިންސައްތަ ވަނީ ނިމިފައެވެ.
ޖޫން މަހުގެ ނިޔަލަށް މަސައްކަތް ނިންމާލެވޭނެ ކަމަށް އެމްޓީސީސީން ބުންޏެވެ.
ށ. އަތޮޅުގެ ވެރިކަންކުރާ ރަށް ފުނަދޫގެ އާބާދީއަކީ 2800އެވެ.
ކިޔުންތެރިންގެ ހިޔާލު