ކުރިއަށް އޮތް ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިޚާބަށް ތައްޔާރުވުމުގެ ގޮތުން އައްޑޫ ސިޓީގެ ކެމްޕޭނަށް ޚާއްޞަ ޖަގަހައެއް މާލޭގައި ހުޅުވައިފި އެވެ.
ކެމްޕޭން ޖަގަހަ ހުޅުއްވައިދެއްވީ ރައީސުލްޖުމްހޫރިއްޔާގެ ނާއިބު އަލްއުސްތާޒު ހުސެއިން މުހައްމަދު ލަތީފެވެ. މި ޖަގަހަ ޤާއިމުކުރީ އިރުދޭމާ ހިނގުމުގައި ހުންނަ ހ.އޮއިސްޓަރ ގައެވެ.
މިރޭގެ ޖަގަހަ ހުޅުވުމުގެ ރަސްމިއްޔާތުގައި ރައީސުލްޖުމްހޫރިއްޔާގެ ނާއިބުގެ އަރިހުގައި، ޕާޓީގެ ލީޑަރޝިޕްގެ ބޭފުޅުން އަދި ކެންޑިޑޭޓުން ބައިވެރިވެވަޑައިގެންނެވި އެވެ. ޚާއްޞަކޮށް، ހދ. އަތޮޅުގެ އެކި ދާއިރާތަކަށް ވާދަކުރައްވާ ކެންޑިޑޭޓުން ބައިވެރިވެވަޑައިގެންފައި ވެއެވެ.
ޖަގަހަ ހުޅުވުމުގެ ޙަފްލާގައި ރައީސުލްޖުމްހޫރިއްޔާގެ ނާއިބު އަލްއުސްތާޒު ހުސެއިން މުހައްމަދު ލަތީފާއި، ވިލިމާލޭ ދާއިރާގެ މެމްބަރު އަދި ކޮންގްރެސް ޕާޓީގެ ޑެޕިއުޓީ ޕީޖީ ލީޑަރު މުހައްމަދު އިސްމާއީލާއި، އިގްތިސާދީ ތަރައްގީއާ ވިޔަފާރިއާ ބެހޭ ވުޒާރާގެ ސްޓޭޓް މިނިސްޓަރު ހުސެއިން ޒާހިރާއި، ހދ. ނާވައިދޫ ކައުންސިލުގެ ރައީސް އަލީ ރަޝީދާއި، ހދ. ވައިކަރަދޫ ކައުންސިލް މެމްބަރު ކަމަށް ވާދަކުރައްވާ ހުދާ މުހައްމަދު ވާހަކަދައްކަވާފައިވެއެވެ.
ކިޔުންތެރިންގެ ހިޔާލު