ކުރިއަށް އޮތް ލޯކަލް ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކުގެ އިންތިޚާބަށް ތައްޔާރުވުމުގެ ގޮތުން، ޕީޕަލްސް ނޭޝަނަލް ކޮންގްރެސް (ޕީއެންސީ) އިން ގަލޮޅު އުތުރު ދާއިރާގެ ކެމްޕޭން ޖަގަހަ ރަސްމީކޮށް ހުޅުވައިފިއެވެ. ގ. ހެޕީސައިޑްގައި ގާއިމުކުރި މި ޖަގަހަ ހުޅުއްވައިދެއްވީ ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދުއެވެ.
ޕީއެންސީން ދަނީ މާލޭގެ އިތުރުން ވިލިމާލެ، ހުޅުމާލެ އަދި އަތޮޅުތެރޭގެ ބޮޑެތި ސިޓީތަކުގައި ވެސް ކެމްޕޭން ޖަގަހަތައް ހުޅުވައި ހަރަކާތްތައް ވަރުގަދަ ކުރަމުންނެވެ. އެގޮތުން ފުވައްމުލަކާއި ތިނަދޫ ސިޓީގައި ވެސް މިހާރު ވަނީ ކެމްޕޭން ހަރަކާތްތައް ފަށާފައެވެ.
އިލެކްޝަންސް ކޮމިޝަނުގެ ތަފާސްހިސާބުތަކުން ދައްކާގޮތުގައި ޕީއެންސީއަކީ މިހާރު ރާއްޖޭގެ އެންމެ މެމްބަރުން ގިނަ ޕާޓީއެވެ. އަދި ކުރިއަށް އޮތް ކައުންސިލް އިންތިޚާބުގައި އެންމެ ގިނަ ކެންޑިޑޭޓުން ކުރިމަތިލަނީ ވެސް އެ ޕާޓީގެ ފަރާތުންނެވެ.
ކިޔުންތެރިންގެ ހިޔާލު