ކ. މާފުއްޓާއި އެ ރަށް ކައިރިން އަލަށް ހިއްކާފައިވާ ސަރަހައްދު ގުޅާލުމަށް ހަދާ ބްރިޖުގެ އަމަލީ މަސައްކަތް މިއަދު ފަށައިފިއެވެ.

މާފުށީގައި މިއަދު އެކަމަށް ހާއްސަކޮށްގެން ބޭއްވި ރަސްމިއްޔާތެއްގައި ކޮންސްޓްރަކްޝަން މިނިސްޓްރީގެ ސްޓޭޓް މިނިސްޓަރު އިސްމާއީލް ހަމީދު، ރައްޔިތުންގެ މަޖިލީހުގެ މާފުށީ ދާއިރާގެ މެންބަރު ހުސައިން ރިޒާ، މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)ގެ ޑެޕިއުޓީ މެނޭޖިން ޑިރެކްޓަރު މުހައްމަދު ޖަމްޝީދު އަދި މާފުށީ ކައުންސިލްގެ މެންބަރުން ބައިވެރިވެވަޑައިގެންނެވިއެވެ.

މާފުށި ބުރިޖުގެ ހެދުމުގެ މަސައްކަތް ކުރަމުންދާ އެމްޓީސީސީން މިރޭ ބުނީ މާފުށީގެ ބްރިޖަކީ ރަށުގެ ދެ ފަރާތުގެ އޮއެދެމުމަށް ބުރޫނާރާނެހެން، ދަށުން އޮއެދެމޭ ގޮތަށް ފަރުމާކޮށްފައިވާ ބްރިޖެއް ކަމަށެވެ.

މާފުށީގެ ބިމުގެ ދަތިކަމަށް ހައްލު ހޯދުމުގެ ގޮތުން 2021 ވަނަ އަހަރު ވަނީ 25 ހެކްޓަރުގެ ބިން އެ ރަށުން ހިއްކައިފައެވެ. ބިން ހިއްކުމުގެ އެ މަޝްރޫއުވެސް އެމްޓީސީސީން ކުރިއަށް ގެންދިޔަ އިރު، އެ މަޝްރޫއުގެ އަގަކީ 118 މިލިއަން ރުފިޔާއެވެ.