މި ހިނގާ މާލީ އަހަރު އިންޑިއާ އިން ރާއްޖެއަށް ހިލޭ އެހީގެ ގޮތުގައި 550 ކްރޯޑް ރުޕީސް (59 މިލިއަން ޑޮލަރު) ދޭން އެގައުމުގެ ބަޖެޓުގައި ހިމަނައިފިއެވެ.
މިއީ މިދިޔަ އަަހަރު ރާއްޖެއަށް އެހީގެ ގޮތުގައި ކަނޑައެޅި އަދަދަށްވުރެ ދަށް އަދަދެކެވެ. މިދިޔަ އަހަރު ރާއްޖެއަށްދޭ އެހީގެ ގޮތުގައި ބަޖެޓުގައި ހިމަނާފައިވަނީ 600 ކްރޯޑް ރުޕީސް (69 މިލިއަން ޑޮލަރު) އެވެ.
އިންޑިއާގެ މާލީ އަހަރު ގުނަނީ ކޮންމެ އަހަރެއްގެ އެޕްރީލުން ޖެހިގެން އަންނަ އަހަރުގެ މާޗުގެ ނިޔަލަށެވެ.
އިންޑިއާގައި މިއަދު ވަނީ އިންޑިއާގެ 2026-2027 އަށް އެކުލަވާލާ ބަޖެޓު އެ ގައުމުގެ މަޖިލީހަށް ހުށަހަޅައިފައެވެ.
އޭގައިވާ ގޮތުން މި އަހަރު ބަންގުލަދޭޝްއަށްވެސް ހިލޭ އެހީގެ ގޮތުގައި ދޭން ކަނޑައަޅާފައިވަނީ މިދިޔަ އަހަރު ދިން އަދަދަށްވުރެ ދެބައިކުޅަ އެއްބައި ކުޑަ އަދަދެކެވެ. އޭގެ އިތުރުން މިޔަންމާއަށް ވެސް މިއަހަރު ދޭން ކަނޑައަޅާފައިވަނީ މިދިޔަ އަހަރަށްވުރެ މަދުންނެވެ.
ނަމަވެސް ބޫޓާނަށް ހިލޭ އެހީގެ ގޮތުގައި ދޭ އަދަދުވަނީ އިތުރުކޮށްފައެވެ.
ކިޔުންތެރިންގެ ހިޔާލު