ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ދޭ “ވޯލްޑް ނޯ ޓޮބޭކޯ ޑޭ” އެވޯޑަށް ކުރިމަތިލުމުގެ މުއްދަތު ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން އިތުރުކޮށްފިއެވެ. އެ އެޖެންސީން ބުނެފައިވާ ގޮތުގައި ކުރިން މި މަހުގެ 16 ގެ ނިޔަލަށް ހުޅުވާލާފައި އޮތް މި ފުރުސަތު މިހާރު ވަނީ އަންނަ މަހުގެ 13 ވަނަ ދުވަހުގެ ނިޔަލަށް އިތުރުކޮށްފައެވެ.
މި އެވޯޑަކީ ދުންފަތް ކޮންޓްރޯލް ކުރުމަށް މަސައްކަތްކުރާ ފަރާތްތަކުގެ އަގުވަޒަންކޮށް، އެކަމަށް ހިތްވަރު ދިނުމުގެ ގޮތުން ދޭ އެވޯޑެކެވެ. މިއަހަރުގެ ދުނިޔޭގެ ދުންފަތުގެ އިސްތިއުމާލު ނުކުރާ ދުވަހުގެ ޝިއާރަކީ “އަންމާސްކިން ދަ އެޕީލް: ކައުންޓަރިން ނިކޮޓިން އެންޑް ޓޮބޭކޯ އެޑިކްޝަން” އެވެ. ކޮންމެ އަހަރަކުވެސް ދުނިޔޭގެ ދުންފަތުގެ އިސްތިއުމާލު ނުކުރާ ދުވަހުގެ ގޮތުގައި ފާހަގަކުރަނީ މެއި މަހުގެ 31 ވަނަ ދުވަހެވެ.
ކިޔުންތެރިންގެ ހިޔާލު